ကျင်းတူးရခါနီး ရာဇ၀င်

ခေါင်းစဉ်မြင်တော့ အကိုတွေ အမတွေ၊ ဂျီတောက်တောက်(အဆိပ်ခွက်) တို့ကထင်ဦးမယ်။ ဒီပါးလုံးတယောက် ဘာတွေလုပ်ထားပြန်ပြီလည်းပေါ့။ ဒါမှမဟုတ် အသစ်ရေးတယ်တော့ တက်ဂ် တော့မှာပဲလို့လေ။ စိတ်ချလက်ချသာ ဖတ်ပါ။ မတက်ဂ်ဘူး။ ကိုယ်ချင်းစရာတရား ရှေ့ထားပြီး။ အဟဲ။

မနေ့က မောင်လေးတယောက် ပြောတယ်။ ဆယ်တန်းစာမေးပွဲ အောင်စာရင်း ထွက်တော့ မယ်တဲ့။ သိပ်မဖြေနိုင်ဘူးတဲ့။ သူပူပင်နေတဲ့ အသံကိုကြားတော့ ပါးလုံး ကိုယ်ဆယ်တန်းတုန်းက ဆိုးခဲ့သမျှကို သတိယမိတယ်။

ပြီးတော့ ပါးလုံးက စာကို ပေါ့ပေါ့ပါးပါးလေးတွေပဲ ရေးချင်တယ်။ ဟာသလေးတွေပေါ့။ အခု တလောက တက်ဂ်ပို့စ်ကလည်း ခေတ်စားနေလေတော့ အဲ့လိုမရေးရတာလည်း ကြာပေါ့။ အခုတော့ ရေးချင်တာလေးကို ရေးလိုက်ဦးမယ်ဗျာ။အကြွေးလေး ကင်းတုန်း။ ပါးလုံးက ဆယ်တန်း မှာ သိပ္ပံတွဲ ယူထားတယ်ဆိုပါတော့။

အဲ့ဒါကလည်း ဆရာဝန်ဖြစ်ချင်လို့တော့ မဟုတ်ဘူးနော်။ ပြောပြဦးမယ်။ ကိုးတန်းမှာ ခွဲ တော့ ဆရာမတွေက ကျောင်းမှာ ပါးလုံးတို့ကို တလတိတိ ဘာသာစုံ သင်ပေးတယ်။ အဲ့ဒါမှ ကိုယ် တကယ်ဘာကို လိုချင်တယ်ဆိုတာကို သိအောင်လို့တဲ့။

အစက ပါးလုံးက ၀ိပ္ပံယူတယ်ဗျာ။ အိမ်ကလည်း ကြိုက်တာယူခွင့် ပေးထားလေတော့။ ဘာမှ ၀င်မပြောဘူး။ အဲ့တော့ Physics, Chemistry, Eco. ပေါ့။ စီးပွားရေး လည်း နည်းနည်း စိတ်ဝင်စားတယ်ဆိုတော့။ အဲ့ဒါယူမယ်ဆိုပြီး အဲ့အတန်းမှာသွားထိုင်တယ်။ သူငယ်ချင်းတွေ အကုန်လုံးက တော့ ဘိုင်အိုပေါ့။

အဲ့ဒါနဲ့ စသင်တော့ အီကိုက ပညာပြပါလေရော။ ဟာ ကျက်ရတာ တွင်တို့ ကတို့နဲ့ ထောက် သလားမမေးနဲ့။ တစ်ချိန်လည်းပြီးရော ဆရာမကို သွားပြောတာပေါ့ ဆရာမ ရေးပေးတာမှားနေ တယ်ထင်တယ်လို့ တွင်တွေ ကတွေက အရမ်းထပ်နေတယ်ဆိုတော့ ငါသင်လာတာ သက်တမ်း လည်းကြာပြီတဲ့ ငါ့ကိုအဲ့လိုဘယ်သူမှလာမမေးဘူးတဲ့။ အီကိုဆိုတာ ဒီလိုမျိုးပဲကျက်ရမှာပဲတဲ့။

အဲ့ဒါနဲ့ အဲ့ဒါဆိုလည်း မကျက်တော့ဘူးဆရာမရယ်။ သမီးဘိုင်အိုကိုပဲ အရည်ကျိုလိုက် တော့မယ်။ အီကိုတော့ ကျိုနိုင်မှာမဟုတ်ဘူးဆိုပြီး ညာတာပါတေးနဲ့ သိပ္ပံတွဲ ယူဖြစ်သွားတာဗျ။ အဲ့လိုနဲ့ ကိုးတန်းဖြေပြီးတာနဲ့ တပတ်ပဲ ပေးနားတယ်။ အိမ်က စာတန်းကျက်ခိုင်းတယ်။ ကျူရှင်တွေ တက်ရတယ်။

ပြီးတော့ သင်္ချာဆရာကလည်း ပါးလုံးတို့ ခြောက်ယောက်ကို ရွေးပြီးတော့ သူက၀ိုင်း သပ် သပ် လုပ်ပေး တယ်။ နောက်ပြီး အင်္ဂလိပ်ကလည်း ပါးလုံးအဖွားက အထက်တန်းပြ အင်္ဂလိပ် ဆရာ မဆိုတော့ ကျောင်းပိတ်တာနဲ့ ကဗျာတွေ ကလို့စ်တိုက် တွေကျက်ခိုင်းတယ်။

မြန်မာစာဆိုလည်း ခက်ဆစ်တွေ ဘာတွေကျက်ထားတယ်ပေါ့ဗျာ။ နောက်ကျောင်းဖွင့်တဲ့ အထိဗျာ။ ကျောင်းဖွင့်ပြီးတော့လည်း စာကျက်သေးတယ်။ နောက်တော့ သေသေချာချာစဉ်းစား လိုက်တယ်။ ငါကျောင်းပြီးရင်ရော ဘွဲ့ရပြီးရင် ဘာဖြစ်မလည်း စဉ်းစားလိုက်တယ်။ သူများတွေ ကျောင်းပြီးတာတောင် အလုပ်မရှိဘူးလေ။

ငယ်ငယ်ကတည်းက ရည်မှန်းချက်က သူများလို ကြီးကြီးမားမား မဟုတ်ဘူးလေ။ အင်ဂျင်နီယာလည်း မဖြစ်ချင်။ ဆရာဝန်လည်းမဖြစ်ချင်။ ကျမ်းစာကျောင်းတက်ချင်တာ ခုနှစ်တန်း ကတည်းက။ မာသာထရီစာကို အရမ်းအားကျတာ။ သူ့လို ဖြစ်ချင်တာ။

အဲ့တော့ ပါးလုံးစာလည်း မကျက်ချင်တော့ဘူးဖြစ်လာတယ်။ နောက်တော့ စာမကျက် တော့ဘူးလေ။ စာကျက်လို့ပြောရင် ဟိုစာအုပ်ထဲကဟာကို ဒီစာအုပ်ထဲကိုကူး ဒီစာအုပ်ထဲက ဟာကို ဟိုစာအုပ်ထဲကိုကူး။ ကျူရှင်မှာ အရိုက်မခံရယုံလောက်ပဲ စာကိုကျက်တာ။ ဒါပေမယ့် ကျောင်းတို့ ကျူရှင်တို့တော့ ဘယ်တော့မှ မပြေးဘူး။ သင်တဲ့အချိန်သေချာနားထောင်တယ်။

မနက်ကျူရှင်သွားဖို့ဆိုလည်း မရမက ရအောင်ထတယ်။ မထင်ချင်ရင်တောင် ကိုယ်ပိုင်ဆောင်ပုဒ်လေးကို ရွတ်ပြီးထတယ်။ ပါးလုံးကိုယ့်ဟာကို ထွင်ထားတဲ့ ဆောင်ပုဒ် လေးတပုဒ်ရှိတယ်။ အဲ့ဆောင်ပုဒ်လေးကို ရွတ်ပြီးတော့ ထတာ။ အဲ့ဆောင်ပုဒ်က “ပညာကိုလိုသော် ထ ထ” ဆိုပြီးတော့ အတင်းကို ဇွတ်ထတာ။ အဲ့ဆောင်ပုဒ်ကတော့ အခုထိကို လက်လွှတ်လို့မရသေးပါဘူး။ ညစ်။

အဲ့လိုနဲ့ စာမကျက်ဘူး။ သိုင်းလောကရဲ့စိန်ခေါ်သံကလည်း ကောင်းသလားမမေးနဲ့ အိမ်က လုံးဝမကြည့်ခိုင်းဘူး။ အခန်းထဲမှာ ပိတ်ထားတာ။ ပါးလုံးပါဆို လုပ်ချင်ရင် ရအောင်လုပ်ရမှ။ တီဗီက ဧည့်ခန်းမှာ။ အဲ့တော့ ဧည့်ခန်းကို လှမ်းကြည့်ရမှာလေ။ ပါးလုံးအခန်းနဲ့က သိပ်တော့မဝေး ဘူးလေ။

အဖေကို ကျေးဇူး တခုတော့တင်ရမယ်သိလား။ အဲ့ဒါကတော့ အိမ်ဆောက်တုန်းက နံရံ အမြင့်ကြီးဆိုပေမယ့် ထုတ်တန်းလေးတွေနဲ့ တလှမ်းကျော်စာလေးတွေ တက်လို့ရအောင် လုပ်ထားလို့လေ။ အဲ့တော့ အဲ့နံရံကို တက် ပြီးတော့ ထုတ်တန်းပေါ်ကနေ ခိုပြီးတော့ကြည့်တာ။ အိမ်ကလူတွေကလည်း သိုင်းထဲ မျှောနေတာဆိုတော့ သတိမထားအားဘူး။

ကြော်ငြာလာမှ လှုပ်တာလေ။ ကြော်ငြာလာရင် အောက်ပြန်ဆင်းပေါ့။ အဲ့တော့ ညဆို လွင်ကူးရှုံးမျက်နှာမှ မမြင်ရရင် ပါးလုံးတို့ အိပ် မပျော်ဘူး။ သူကမူးပြီး သိုင်းကတာ လှလွန်းလို့လေ။ အမူးသမားကို ကြည့်မရပေမယ့် သူမူးတာကိုတော့ သဘောကျတယ်။ အဟဲ။ အဲ့လိုခိုး ကြည့်တာကိုသိတာက အဖေလေ။

ပါးလုံးက အပေါ်မှာဆိုတော့ သူတို့ လာမလာ။ ဘယ်သူလာ ချောင်းလည်း အကုန်မြင်ရတယ်ဗျာ။ အဲ့တော့ အဖေလာပြီဆိုရင် ကမန်းကတန်း ပြေးဆင်းပြီးတော့ စာအုပ်ကောက်ကိုင် စာအုပ်က ဇောက်ထိုးဖြစ်နေလို့ အဖေတည့်ပေးရပေါင်းလည်း မနည်း တော့ဘူး။

အဖေကတော့ ဘာမှမပြောဘူး။ ပါးလုံးနော်ဆိုပြီးပြီ။ အဲ့လိုစာကြိုးစားတာလေ။ ညနေ တွေဆိုလည်း စာကျက်မယ်ပြောပြီး လွယ်အိတ်တလုံးနဲ့ ခြံထဲကိုထွက်လာတယ်။ ပြီးတော့ မာကလာပင်ပေါ် တက် နေရာသေသေချာချာယူ ပြီးရင် လေကလေးကလည်း တိုက်။ အိပ်လို့ ကောင်းမှကောင်း။ ညနေထမင်းစားခါနီး အိမ်ကလိုက်ရှာတော့မှ အိပ်ပျော်နေတာ။ ပြုတ်မကျတာ ကံကောင်း။

အဲ့လိုနဲ့ အိမ်က ပါးလုံးနဲ့ အရမ်းတွဲတဲ့ စာအရမ်းကျက်တဲ့ သူငယ်ချင်းအိမ်မှာ စာသွားကျက် ခိုင်းရော သူကစာတော်တော်ကိုလုပ်တာဗျာ။ အဲ့တော့ သူ့အိမ်ရောက်တော့ သူ့အိမ်ကဆောက်ရင်း တန်းလန်းဆိုတော့ အနောက်ဖေးလှေခါးလည်း မလုပ်ရသေးဘူး။

လွင်ကူချုံးကြည့်ချင်လို့ ခွင့်တောင်းတော့လည်း သူ့အိမ်ကခွင့်မပြုဘူး။ သူကသိုင်းလည်း စိတ်မပါဘူး။ အဲ့တော့ စည်းရုံးရေး မဆင်းလို့မရတော့ဘူးလေ၊ လွင်ကူးချုံး ဘယ်လောက်ချော ကြောင်း သိုင်းချပုံပါ ဟန်ပါပါ လုပ်ပြရသေးတယ်။ မပြောပါနဲ့တော့။

အဲ့ဒါနဲ့ ပါလုံးစည်းရုံးရေးအောင်မြင်တော့ သူ့အိမ်မှာကြည့်လို့ကမဖြစ်တာသေချာတော့ သူတို့အိမ်နောက်ဖေးကနေ လှေခါးလည်း မလုပ်ရသေးဘူးလေ။ အဲ့ဒါ အိမ်ကမြင့်တယ်။ တိုင်ကို ခွပြီးတော့ ချောဆင်းရတယ်။ အဲ့ဒါ ရေကလည်းကြီးနေတာ အကြီးအကျယ် အဲ့တော့ သူ့အဒေါ် အိမ်မှာသွားကြည့်တော့ သူ့အမေနဲ့ပြန်တိုင်မှာစိုးလို့ ရေထဲကနေ မတ်တပ်ရပ်ကြည့်ရတယ်။ မြွေတွေဘာတွေလည်း မျှောလာတတ်တယ်။ အခု ပြန်စဉ်းစားရင်တောင် ကြက်သီးထတယ်။ မြွေ မျှောလာရင် ကိုသေတာပြဿနာမဟုတ် သူတခုခုဆိုရင်လို့ တွေးတောင်မတွေးရဲဘူး။

အဲ့ဒါနဲ့ ဟိုလှိမ့်ဒီလှိမ့်နဲ့ စာမေးပွဲကြီးက ဖြေဖို့ ၂လပဲလိုတော့တဲ့ အချိန်ကိုရောက်လာရော။ ပါးလုံးအိပ်ခါနီး တရက်စဉ်းစားလိုက်တယ်။ သြော် ငါရှုံးရင် ငါ့သူငယ်ချင်းတွေအောင်ရင်လို့ စဉ်းစား မိတယ်။ ကျောင်းမတက်ရင်တောင် အောင်ထားတာ ကောင်းပါတယ်လေ ဆိုပြီးတော့ ပါးလုံး စာပြန် ကျက်ဖို့ ဆုံးဖြတ်လိုက်တယ်။

အဲ့လိုဆုံးဖြတ်ချက်လည်း ချပြီးရော နောက်နေ့ လက်မှာ ဆူးပင်းဝင်လို့ ၂ပတ်လောက် ငိုနေ ရတယ်။ ဆေးရုံမှာ သွားခွဲရတယ်။ အဲ့တော့ အချိန်က တလကျော်ကျော်လေးပဲ ကျန်တော့တယ် လေ။ အဲ့အချိန်ကျမှ အသေအလည်းကို ကျက်ရတော့တယ်။ တနေ့ကို ၃နာရီလောက်ပဲ အိပ်တယ်။ အသေကျက်တာ။ ကျူရှင် မပြေးထားတဲ့ ကျေးဇူးတော့ ခံစားရတာပေါ့ဗျာ။

အိမ်ကတော့ မအောင်ဘူးပဲ တွက်ထားတယ်။ စိတ်ဓါတ်ကျမှာစိုးလို့ ဘာမှမပြောကြဘူး။ မြန်မာသဒ္ဒါတွေဆို မနက်ဖြန်ဖြေမယ်ဆိုမှ ဒီနေ့လိုညနေလေးနာရီမှာ စကျက်တာ။ အဲ့လောက်ထိ။ အဲ့လို နဲ့ စာမေးပွဲလည်းဖြေရော အခန်းထဲရောက်တာနဲ့ ဆုတောင်း ဘောပင်တွေကိုင်ပြီးဆုတောင်း မေးခွန်းမဖတ်ခင်ဆုတောင်း၊ အဖြေအပ်ခါနီး ဆုတောင်း အဲ့လိုတောင်းပြီးတော့။ စာမေးပွဲကြီး ပြီးသွားပါလေရော။

စာမေးပွဲပြီးလို့ အောင်စာရင်းထွက်ခါနီးကျတော့ အိမ်ကအဒေါ်တွေက ဘာပြောလည်းဆို တော့ ပါးလုံးတဲ့ နင်စာမေးပွဲရှုံးလို့ကတော့ ကျင်း တကျင်းတူးထားတဲ့၊ ငါတို့တသက်လုံး ကိုယ့် သိက္ခါနဲ့ ကိုယ်နေလာတာတဲ့။ နင်တို့ညီအမလေးယောက်တည်းမှာ နင်ပဲ တစ် နေမှာ သေချာတယ်တဲ့၊ ငါတို့ သူများတွံတွေးခွက်ထဲ ပက်လက်အမျှောမခံနိုင်ဘူးတဲ့။ အဲ့တော့ ကျင်းတ ကျင်းတူး၊ ပြီးရင် အဲ့ကျင်းထဲ နင်ဝင်ရင်ဝင် မ၀င်ရင် ငါတို့ဝင်မယ်တဲ့။

အဲ့တော့ ပါးလုံးက ဘာမှတော့ပြန်မပြောလိုက်ဘူး။ ညကျတော့ စဉ်းစားတယ်။ ကျင်းဘယ် နေရာမှာ တူးရင်ကောင်းမလည်းလို့လေ။ ပါးလုံးက အဆိုးဘက်ကြိုကို တွေးထားတာများတယ်။ အဲ့ဒါ မှခံနိုင်ရည် ရှိအောင်လေ။ အဲ့ဒါနဲ့ ကျင်းက တူးပြီးရင်တောင် ငါပဲဝင်မယ်လို့ လည်းစဉ်းစား ထားတယ် သူတို့အကုန်ဆိုရင် ကိုကကျင်းကိုပိုလည်း ကျယ်ကျယ်တူးရမယ်။ ကိုယ့်အပြစ် နဲ့ကိုယ်ကိုး သူတို့ကို ၀င်ခိုင်းလို့ ဘယ်တရားမလည်းနော် ဘယ်ဖြစ်မလည်းနော်။

တသက်လုံး အောင်စာရင်းထွက်ရင် အိမ်ကကြည့်ပေးနေကျ ပါးလုံးဆယ်တန်းအောင်စာ ရင်းထွက်မယ့်နေကျတော့ ဘယ်သူမှ မကြည့်ပေးကြဘူး။ ရှုံးမှာပဲတဲ့ ရှက်တယ်တဲ့။ ပါးလုံးလည်း ညကျတော့ ဘယ်လောက်စိတ်လှုပ်ရှားလည်းဆိုရင် ဆင်နင်းတောင်နိုးမှာမဟုတ်ဘူး။ မနက် အောင်စာ ရင်းထွက်ခါနီး သူငယ်ချင်းတွေက အတူတူသွားမယ်ပြောထားပြီး မလာလို့ လာခေါ်တော့မှ နိုးတယ်။

အဲ့လိုသွားတဲ့အချိန်ထိ ဘာမှမဖြစ်သေးဘူး ကျောင်းနားရောက်ခါနီးမှ ဘယ်အချိန်က ၀င်လာတယ် မသိဘူး ရင်ဘတ်ထဲမှာ အလုံးကြီး အဲ့ဒါနဲ့ ကဲမဖြစ်ချေဘူး။ မြန်မြန်ကြည့်မှပေါ့။ ခုံနံပါတ်က ၉၂ဆိုတော့ ဘာပဲဖြစ်ဖြစ် ၂ရွက်မြောက် ၃ရွက်မြောက်လောက်မှာ ရှိမှာပဲဆိုပြီးတော့ ကြည့်တော့ မပါဘူးလေ။ အဲ့ဒါနဲ့ ငါတော့ ကျင်းတူးရတော့မယ်ထင်တာ။

နောက်တော့ ပထမစာရွက်ကို စိတ်ဓါတ်ကျကျနဲ့ ကြည့်တော့မှ အကျများလို့ ပထမဆုံးအရွက် ၉ယောက်မြောက် မှာ ပါးလုံးနာမည် အောင်မလေးထခုန်တာ ဘေးကလူကိုတောင် တက်နင်းမိတယ်။ ပါးစပ်ကတော့ ငါအောင်တယ်ဟေ့လို့ မအော်မိဘူး။ ကျင်းမတူးရတော့ဘူးဟေ့ လို့ အော်တော့ ဘေးကလူတွေ ကလည်းလှည့်ကြည့် သူငယ်ချင်းတွေက အံ့သြနေကြတယ်လေ။ ပြန်ရှင်းပြရတာပေါ့။ ပါးစပ်ကလည်း အိမ်ပြန်တလမ်းလုံး တော်သေးတယ် ငါကျင်းမတူးရတော့ဘူးပဲပြောနေတာလေ။

အဲ့လိုနဲ့ ပါးလုံးကျင်းမတူးရတော့ပဲ ညာတာပါတေးနဲ့ ဆယ်တန်းအောင်။ ပြီးတော့ ကျောင်း ဆက်မတက်ဘူးပြောတာကို အိမ်က အဒေါ်တွေအတင်းတင်တာနဲ့ အဝေးသင်တက်ဖြစ်တယ်။ အဖေက အတင်းတင်တာနဲ့ ဂျီတီစီေ၇ာက်သွားတယ်။ ကျောင်းမတက်ချင်ဘူးဆိုခါမှ ၂ကျောင်း တောင်တက်လိုက်ရတယ်။ အဲ့ဒီကျင်းတူးရမယ့် ရာဇ၀င်ကတော့ အဲ့ဒါပါပဲဗျာ။

အားလုံးအားလုံးအပေါ် ဘုရားသခင်ကောင်းချီးပေးပါစေ။
ချစ်ခင်လေးစားလျှက်
ညီမလေး ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

မပိန်မဖောင်းသော ပိုက်ဆံအိတ်( တက်ဂ်ပို့စ်)

အခုတလော စာများပါတယ်ဆိုမှ တက်ဂ်ပို့စ်တွေ အရမ်းကိုခေတ်စားနေတာ။ ပါးလုံးလည်း ပျော်ပါတယ်။ တက်ဂ်ပို့စ်လေးတွေ လိုက်ဖတ်လိုက် အကိုတွေအမတွေအိမ်မှာ လိုက်အော်လိုက်နဲ့ အဲ့ကမ္ဘာလေးကို ပျော်မှန်းမသိ ပျော်နေတယ်။ စိတ်ညစ်တာတွေလည်း တော်တော်လျှော့သွားသ လိုပဲ။ စိတ်ညစ်တာတွေလည်း မစဉ်းစားမိတော့ဘူး။
ဘာရေးမယ် ဘာရေးမယ်ဆိုတာလေးပဲ ခေါင်းထဲရောက်နေတယ်။ အရစ်ရှည်တာတော့ မဟုတ်ပါဘူး။ ကြုံတုန်းလေး ခံစားချက်နည်းနည်းကို ရင်ဖွင့်လိုက်ဦးမယ်ဗျာ။ စာမေးပွဲမဖြေခင်က တော့ဆရာမက စာမေးပွဲအတွက်ဆိုပြီး အိမ်စာတွေကို တလစပ်ပေးတယ်။ ကျောင်းမှာလည်း မနား တမ်း။ လက်ခံပါတယ်။ စာမေးပွဲနီးလို့။

စာမေးပွဲဖြေတဲ့ နေ့ကျတော့လည်း စာမေးပွဲကို တနေ့လုံးကို တမြေ့မြေ့ဖြေရတယ်။ နားချိန် မှာအဖြေလွှာသိမ်းသွားတယ်။ ပြန်တက်တဲ့အချိန် ပြန်ပေးပြီး တရစပ်ဖြေခိုင်းတယ်။ အဲ့အထိလည်း လက်ခံပါတယ်။ စာမေးပွဲ မဖြေခင်တညလုံးလည်း မအိပ်ထားလို့ စာမေးပွဲပြီးလို့ ကောင်းကောင်း ကျိုးရမလားမှတ်တယ်။ ပြီးသွားတော့ ကျန်တဲ့အချိန် လေးဆယ့်ငါးမိနစ်ကို အိမ်စာတွေပေးလိုက် တယ်။ ဆရာမက စေတနာနဲ့ အလိုက်မသိဘူး ဆိုပါတော့။

အဲ့တော့ အိမ်စာနောက်မှလုပ်မယ်ဆိုပြီးတော့ ပြန်ရောက်ရောက်ချင်း အိပ်လိုက်တယ်။ ထ တာနဲ့ ဘလော့လေးကို ဖွင့်ပြီး လည်လိုက်တော့ တက်ဂ်ကြွေးကို အရင်ဆပ်လိုက်တယ်။ ဆပ်လို့မှ မပြီးသေးဘူး ညီမလေး စာမေးပွဲရှိမှန်းမသိလို့ပါတဲ့ တောင်းပန်ပါတယ်တဲ့ ဆိုတော့ ဟာ ငါ့အကို ကိုဝသန်တော့ အခုတပုဒ်တော့ တက်ဂ်မှာ မဟုတ်တော့ဘူးဆိုပြီးတော့ ပျော်မယ်မှမကျန်သေးဘူး အပျော်ရေးတဲ့။


ဘာမှမထူးဘူး သူလည်း ဆရာမနဲ့အတူတူပဲ ဟွန့်။ ကိုဝသန်နော် ရေးတုန်းကရေးခိုင်းပြီး တော့ ရှည်တယ်ဆိုပြီး အဆုံးထိမဖတ်လို့ကတော့ ဟွန့်။ ကျန်တဲ့အကိုတွေအမတွေလည်း ပါးလုံးက တော်တော်ပေရှည်တာပဲ အရှည်ကြီးရေးတယ်ဆိုပြီး မပြောနဲ့နော်။ အဲ့ကျရင် ကိုဝသန်ကိုပဲ ဆူနော် သမီးကိုမဆူနဲ့ အဟဲ စကားပလ္လင်ခံထားတာ။

ပါးလုံးရဲ့ ပိုက်ဆံအိတ်က ဘယ်တော့မှဖောင်းလည်း မဖောင်း လျှော့လည်းမလျှော့ဘူးလို့ ပြောလို့ရမယ်ထင်တယ်။ ဒီလိုဗျ။ ပါးလုံးက ငယ်ငယ်ကတည်းက ပိုက်ဆံအိတ် ကိုင်တတ်တဲ့ အကျင့်မရှိဘူး။ မြန်မာပြည်ကထွက်လာခါနီးကျတော့ သူငယ်ချင်းတယောက်က ပိုက်ဆံအိတ်မကိုင် လို့ဆိုပြီးတော့ မွေးနေ့လက်ဆောင် ပိုက်ဆံအိတ်ကလေးပေးတယ်။ အဲ့ဒါပထမဆုံးပဲ။

ဒါပေမယ့် အဲ့ပိုက်ဆံအိတ်ကိုလည်း မကိုင်ဖြစ်ပါဘူး။ အခုထိ သိမ်းထားတုန်းပဲ။ နောက် တော့ ထိုင်းဘုရင်မ မွေးနေ့မှာ ပါးလုံးနဲ့ သူငယ်ချင်းလျှောက်လည်ရင်းကနေ ပိုက်ဆံအိတ်လေးတွေ ရောင်းတာတွေ့တော့ သူနဲ့ကလည်း အရမ်းတွဲ အရမ်းချစ်ဆိုတော့ ဆင်တူဝယ်မယ်ဆိုပြီး ၀ယ်ဖြစ် တာ အဲ့ဒါတောင် ဒီရောက်မှကိုင်ဖြစ်တာ။


ဒီရောက်တော့လည်း မကိုင်လို့မဖြစ်တော့လို့သာ ကိုင်ဖြစ်တာပါ။ ပါးလုံးပိုက်ဆံစရှာပါပြီဆို တဲ့ ဆယ်တန်းပြီးတဲ့အချိန်ကတည်းက (အထင်တော့ မကြီးနဲ့နော် မသိရင် စီးပွားရေးတွေ အရမ်း လုပ်တယ်။ အလုပ်ကြိုးစားတယ်ထင်နေဦးမယ် အဟိ ဆယ်တန်းတွေကို ကိုက်လုပ်ရုံပါ) ရတဲ့ ပိုက် ဆံကို ဆယ်ဘို့တဘို့ ဖယ်ပြီး ကျန်တာ အကုန်ဖွားဖွားကို အပ်တယ်။

ဆယ်ဘို့တဘို့ဆိုတာကတော့ ပါးလုံးတို့ ခရစ်ယာန်တွေမှာရှိတယ်။ ကိုယ်ရတဲ့ ကောင်းချီးမင်္ဂလာထဲက ဆယ်ပုံပုံရင် တပုံကို ဘုရားကိုပြန်ပေးတာပါ။ မပေးရင်လည်းဖြစ်ပေမယ့် ကိုယ့်ကိုဘုရားကပေးထားတဲ့ ကောင်းချီးအများကြီးထဲက တပုံကိုတော့ ဘုရားအတွက်ဖယ်သင့် တယ်လေ။ အဲ့အတွက်ပါလုံးက ငယ်ငယ်ကတည်းက မုန့်ဖိုးရရင်လည်း တစ်ဆယ်ရရ ဆယ်ဘို့တဘို့ ဖယ်တတ်တဲ့အကျင့်ရှိတယ်။

အဲ့တော့ ဆယ်ဘို့တဘို့ဖယ်ပြီး အကုန်ပြန်ပေးတော့ ပိုက်ဆံအိတ်က ဖောင်းလည်းမဖောင်း လျှော့လည်း မလျှော့ပါဘူး။ လိုတာရှိရင် လက်ဖြန့်တောင်းလိုက်ပါတယ်။ နောက်အိမ်က ထွက်လာ ပြီးတော့ ပိုက်ဆံက ရောက်ကုန်ဖြစ်လာတယ်။ ရောက်တာနဲ့ ကုန်တာပဲ။ အိမ်ကနေ ထွက်လာပြီး ကတည်းက ပိုက်ဆံကို မစီမံလို့မဖြစ်တော့ဘူးလေ။ အဲ့တော့ စီမံချက်လေးတွေကို ပြောပြမယ်နော်။

(၁) ပိုက်ဆံကိုရရချင်း မလောက်တာသေချာလို့ ကိုင်ပြီး ဆုတောင်းလိုက်တယ်။ လကုန်ပြီး ရင်တောင် ပိုပါစေလို့လေ။ အဟဲ။

(၂) ရတဲ့ပိုက်ဆံကို ဆယ်ဘို့တဘို့ ဖယ်တယ်။

(၃) အိမ်လခ၊ မီးတာခ၊ အင်တာနက်ခ၊ ဖုန်းဖိုး၊ ဘေတွေကိုတွက်ပြီး ဖယ်တယ်။

(၄) တလစာ အသုံးစရိတ်ဖယ်တယ်။(တလစာ အသုံးစရိတ်ကို သုံးပုံက ဒီလိုရှိတယ်။ တကယ်လို့ အသုံးစာရိတ်က ၄ထောင်ဖြစ်နေရင် တပတ်ကို ၁ထောင်နှုန်း အဲ့ထက်ပိုမထုတ်ဘူး။ တကယ်လို့ အသုံးစရိတ်က ၃ထောင်ဆိုရင် ဆယ်ရက်ကို ၁ထောင် ပိုမထုတ်ဘူး။

နောက်ပြီး ငယ်ငယ်ကတည်းက အိမ်ကအဒေါ်ကသင်ထားပေးတာက လိုချင်တာနဲ့လိုအပ်တာ။ ပိုက်ဆံကို ဘယ်လိုစနစ်တကျသုံးသင့်သလည်း၊ ရှိတဲ့ပိုက်ဆံနဲ့ ကိုဝယ်မှာနဲ့ အချိန်နဲ့ကို ချိန်တတ်အောင် သင် ထားပေးတယ်ဆိုတော့ အကျင့်ကပါနေပြီဖြစ်တဲ့အတွက် အစဉ်ပြေတယ်ဆိုပါတော့။

(၅) အိမ်ကို ပို့ဖို့ဖယ်တယ်။ အိမ်က ဒီလဘယ်လောက်လောက်တော့ပို့ပါဆိုရင် အဲ့လောက်ဖယ်တယ်ပေါ့။ နောက်နေ့ပို့ပေါ့။

(၆) အဲ့မှာအားလုံးဖယ်ပြီးလို့ ကျန်တဲ့ပိုက်ဆံကို ၂ပုံခွဲလိုက်တယ်။ တိုးတက်ရေးရယ်၊ အပျော်အပါးရယ် ဆိုပြီးတော့။ တိုးတက်ရေးဆိုတာကတော့ စာအုပ်လို ချင်တာတို့၊ စာရေးကိရိယာဝယ်တာတို့၊ စာနဲ့ပတ်သတ်တာပေါ့ မဟုတ်ရင် လိုချင်လည်း ၀ယ်မရဖြစ် တယ်လေ၊ ၀ယ်စရာမရှိလည်း အဲ့ဒါ စာအိတ်ထဲမှာ သိမ်းထားလိုက်တယ်။ နောက်တွေ့တော့ ၀ယ်ပေါ့။ အဲ့အတွက် ပိုက်ဆံမရှိမှာလည်း မစိုးရိမ်ရတော့ဘူးလေ။

အပျော်အပါးဆိုတာကတော့ ဖိနပ်လိုချင်တာတို့၊ အ၀တ်အစားလိုချင်တာတို့ တခါတလေ လိုချင်တာလေးတွေကို ၀ယ်လို့ရအောင်ပါ။ တရာဖြစ်ဖြစ် ၂ရာဖြစ်ဖြစ် အဲ့လိုပဲ စုထားပြီး လိုချင်တာတွေ့တော့ ဈေးကြီးရင်တောင် ၀ယ်လို့အစဉ်ပြေတာပေါ့။

တလနေပြီးလို့ အိမ်အသုံးစရိတ်က ပိုက်ဆံပိုတာများတယ်။ အဲ့လိုချင့်ချိန်ပြီးသုံးလို့လေ။ အဲ့တော့ ထင်ဦးမယ် ပါးလုံးတို့ ပိုက်ဆံများလို့ခွဲနိုင်သလားလို့။ မဟုတ်ပါဘူး ပါးလုံးက အခုထိ အလုပ်မလုပ်သေးပါဘူး။ ကျောင်းတက်ပြီးရတဲ့ ပိုက်ဆံကိုပဲ ခွဲခြမ်းစိတ်ဖြာနေတာပါ။ အဖေကလည်း အလုပ်မလုပ်စေချင်သေးပါဘူး။

အဖေပေးတဲ့ ပိုက်ဆံအားလုံးကိုပါ ပေါင်းပြီး ခွဲခြမ်းစိတ်ဖြာနေတာပါ။ နောက်ပိုင်းအလုပ်လုပ် ရင်တော့ ရည်မှန်းချက်အတွက်ပါ သပ်သပ်စုမယ် ပုံမှန်စုမယ်လို့ စဉ်းစားထားပါတယ်။ အဲ့လို ခွဲခြမ်း လိုက်တာက အစပိုင်းမှာ အလုပ်ရှုပ်တယ်လို့ ထင်ရပါတယ်။ အဲ့လောက်ခွဲလိုက်မှတော့ ဘာမှကျန် မှာ မဟုတ်ဘူးလို့ ထင်ရပါတယ်။ ဒါပေမယ့် ကြာလာတာနဲ့အမျှ တော်တော်ကို စုမိမှန်းမသိ စုမိပါတယ်။ ပိုက်ဆံကိုလည်း စိတ်ချလက်ချ သုံးလို့ရပါတယ်။

အဲ့လို ပိုက်ဆံရလာတဲ့ နေ့လေး တနေ့ပဲ ခေါင်းနည်းနည်းစားအောင် တွက်လိုက်ရပါတယ်။ နောက်နေ့တွေတော့ အဲ့ခွဲထားတဲ့ထဲက လိုတာဆို ယူသုံးလိုက်ယုံပါပဲ။ အဲ့တော့ အားလုံးအစဉ်ပြေ တယ်ဆိုပါတော့ ပိုက်ဆံအိတ်က ဖောင်းလည်း မဖောင်း လျှော့လည်းမလျှော့တော့ဘူးပေါ့ဗျာ။

စုတာက တစ်ဆယ်ဖြစ်ပါစေ ကြာလာတော့များလာတာပေါ့ဗျာ။ စုတာမပြည့်သေးရင်လည်း အောင့်ထားပြီး ပြည့်မှ ၀ယ်တယ်ဆိုပါတော့။ လိုချင်တာနဲ့ လိုအပ်တာကိုတော့ သေချာစဉ်းစားရ တာပေါ့ဗျာ။ ပါးလုံး ပိုက်ဆံအတွက် စိတ်မညစ်ချင်လို့ တရက်ပဲ စိတ်အညစ်ခံတာပါ။

ကိုဝသန်ရေ တော်ပြီဗျာ။ နော် ပါးလုံးဆက်မရေးတတ်တော့ဘူး။ ပါးလုံးဒါမျိုးလည်း မရေးဖူး ဘူးဆိုတော့ ပါးလုံးကျင့်သုံးဖြစ်တာလေးကိုပဲ ရေးလိုက်တာပါ။ အားလုံးပဲ ပါးလုံးစာရေးတာ တော်တော်အရစ်ရှည် သွားရင်လည်း ခွင့်လွှတ်ကြပါဗျာ။
ဂရုဏာတရား ရှေ့မှာထားပြီး ဘယ်သူ့ကိုမှ မတက်တော့ဘူးဗျာနော်။

အကိုတွေအမတွေ အသဲကွဲနေသူတွေ၊ ချစ်ပြီးရင်းချစ်နေသူတွေ၊ ချစ်သူခဏပြန်မှာမို့လို့ ကြိုလွမ်းနေသူတွေ၊ ပင်လယ်ထဲစီးချင်သူတွေ၊ အားလုံးကို ဘုရားသခင်ကောင်းချီးပေးပါစေဗျာ။

ညီမလေး ချစ်ပါးလုံး။

ဆက်ဖတ်ရန်...

ပြန်သိမ်းပေးရန်...

အမှတ်တရ ( Nick Name) တက်ဂ်ပို့စ်

စာမရေးတာကြာတော့ ဘယ်ကစရေးရမှန်းကိုမသိဘူး။ အရင်ဆိုရင်တော့ ဘလော့မှာဘာလေးရေးမလည်း ဆိုပြီး အတွေးထဲရှိသေးတယ်။ အခုက ခေါင်းထဲမှာ စာမေးပွဲပဲတွေးနေတာနဲ့။ ကိုရီနိုမန်ကြီးက အလိုက်တသိ ငါ့ညီမလေး စာမေးပွဲရှိလို့ လွှတ်ပေးတယ်ဟဲ့ ဆိုတော့ ၀မ်းသာမယ်မကြံသေးဘူး။ ကိုဝသန်ကြီးက အလိုက်မသိ ခင်မင်စွာဖြင့် တက်ဂ်တော့လည်း ရေးရသေးတာပေါ့။ အဟဲ မရေးချင်ရှာဘူးနော်။

Nick Name တွေကတော့ ပါးလုံးလောက်ပေါတာ ပါးလုံးပဲ။ ပြောရင်တော့ ကုန်မှာမဟုတ်တော့ဘူး။ အဲ့ထဲကမှ အမှတ်မိဆုံး Nick Name လေးတချို့ကိုပြောပြချင်ပါတယ်။ ဒီလိုဗျ ပါးလုံးဆိုတဲ့နာမည်က ပါးလုံးငယ်ငယ်က ပါးလုံးရဲ့ဦးလေးက ပါးလုံးကို ချစ်စနိုးနဲ့ပေးထားတဲ့နာမည်ပါ။ အိမ်နာမည်ဆိုပါတော့။ အဲ့ဒါလည်းရာဇ၀င်နဲ့ဗျ။ ပါးလုံးငယ်ငယ်က ပါးက အရမ်းလုံးဝိုင်းနေလို့ ဦးလေးက ပါးလုံးလေးဆိုပြီး ခေါ်တာ။ အားလုံးဆိုပါတော့။

ငယ်ငယ်က အဲ့နာမည်ကို အရမ်းမုန်းတာ။ ဘာလို့လည်းဆိုတော့ အဖေတို့ရွာကိုသွားရင် အားလုံးက ချစ်ကြတော့ စကြတယ်လေ။ လူကိုများစစရာမှတ်လို့ " ပါးလုံးပါးလုံး စာစီကုန်း ကျောင်းသားတွေ တပြုံးပြုံး" တဲ့ စိတ်တိုလိုက်တာ။ တချို့က ပြောသေးတယ်။ တောင်းဆိုးပါးလုံးဆိုးပစ်ရိုးထုံးစံ ရှိတယ် ဆိုတဲ့စကားပုံနဲ့ စသေးတာ။ လူကို။ နောက်ပြီးတော့ ပြောသေး "ရေထဲကို ခဲလုံးလေးပစ်ချလိုက်တော့ ပလုံစွက်" တင်းသလားမမေးနဲ့။


အဲ့ဒီလိုမျိုးတွေကြောင့် အဲ့နာမည်ကိုစိတ်တိုတယ်။ သိတဲ့သူအားလုံးကတော့ ပါးလုံးလို့ပဲခေါ်ကြတယ်။ အိမ်ကပေးသမျှနာမည်ကတော့ အနှောင့်အသွား မလွတ်ဘူးပဲပြောရမလား မသိဘူး။ GTC တက်တဲ့အချိန်မှာ မန္တလေးသိန်းဇော်အခွေထွက်တယ်။ နာမည်က မြတ်ဆုမွန်တဲ့။ သေဟ။ တခါတည်း ကျောင်းကကောင်တွေပါးစပ်ထဲကို ရောက်တော့တာပေါ့။ မြတ်ဆုမွန်လို့ ခေါ်သံကြားလို့ လှမ်းကြည့်လိုက် မသိချင်ယောင်ဆောင်ပြီး သီချင်းဆိုပါလိမ့်မယ်။ "ဗုဒ္ဓဘုရား ဟောကြားတော်မူ..." ဆိုတဲ့သီချင်းလေ ပါးလုံးလည်း ရေးရေးလေးပဲရတယ်။ သူတို့ဆိုလို့။

အဲ့ဒါလှည့်ကြည့်ရင်လေ နင့်ကိုခေါ်တာမဟုတ်ဘူး အဲ့ဒါမန္တလေးသိန်းဇော်သီချင်းတဲ့။အခွေနာမည်ကို ငါတို့ကရွတ်ပြီးမှ ဆိုတာတဲ့။ တခါတည်း တင်းပဲတင်းရမလား ပြတ်ပဲပြတ်ရမလားမသိဘူး။ကျောင်းမှာတော့ တချို့က ပေစုတ်လို့ခေါ်တယ်။ တချို့က ပလိန်လို့ခေါ်တယ်။ (ချာလီချက်ပလိန်) ကိုပြောတာ။ဟာသပြောလွန်းလို့တဲ့။ အဲ့ထဲမှာ မှတ်မှတ်ရရကတော့ အနှစ်လို့ခေါ်တာကိုပဲ။ အနှစ်ဆိုတာက အချစ်ရဲ့ အနှစ်ကို ပြောတာ မဟုတ်ဘူးနော်။ ပါးလုံးက ကျောင်းတက်တဲ့အချိန်မှာ မနက်၈နာရီအရောက်
သွားရတယ်။ အဲ့တော့ ၇ခွဲဆိုအိမ်ကထွက် ထမင်းချိုင့်က ၇နာရီဆိုအဆင်သင့်။

အဲ့တော့ ဘယ်တော့မှ ဟင်းမမှီဘူး။အမြဲတမ်း တို့ဖူးသုတ်၊ အာလူးသုတ်၊ ကြက်ဥပြုတ်သုတ်၊ ကြက်ဥကြော်၊ တနေ့တမျိုး မရိုးရလေအောင် ကြက်ဥကို ငရုတ်သီးလေးနဲ့ကြော်လိုက် ချက်လိုက်နဲ့ ဆိုတော့ အိမ်ပြန်ရောက်တော့လည်း နောက်ကျတော့ မောလွန်းလို့မစားနိုင်ဘူး။ အဲ့တော့ ကျောင်းမှာ သူငယ်ချင်းတွေကနေ့လည်ဆို ကန်တင်းက ဟင်းဝယ်စားကြတယ်။သူတို့က အဆောင်မှာနေတာဆိုတော့။ အဲ့အချိန်ဆို ပါးလုံးကို ဦးစားပေးတယ်။ မြတ်ဆုဘာဝယ်ရမလည်း။ သူတို့သွားဝယ်လို့ရှိရင် အဲ့တော့ ပါးလုံးက အနှစ်ဟင်းလေ ဘာဟင်းဖြစ်ဖြစ် အနှစ်ကလေးနဲ့ဝယ်ခဲ့။ အဲ့လိုပြောလွန်းလို့ နောက်ဆုံးသူတို့က အနှစ်ရေ လို့ခေါ်ကြတာ။

ပေတွေရှည်ကုန်ပြီထင်တယ်။ မြန်မာပြည်ကထွက်လာပြီးကတည်းက ဘာလို့လည်း မသိဘူး။ ပါးလုံးဆိုတဲ့နာမည်ကိုကြိုက်လာတယ်။ အဲ့လိုစမယ့်သူမရှိတော့လို့လားတော့ မသိဘူး။ဘယ်သူနာမည်မေးမေး မြတ်ဆုမွန်လို့မပြောဖြစ်တော့ဘူး။ ပြောဖြစ်ရင်တောင် ပါးလုံးဆိုတဲ့ နာမည်ကိုပဲ ကြိုက်တယ်လို့ ပြောဖြစ်တယ်။ အဲ့လိုနဲ့ မနှစ်က ဘလော့လုပ်သေးတယ်။ မတင်ဖြစ်ဘူး။ သူငယ်ချင်းက သူလုပ်တော့ အရူးထပြီးလိုက်လုပ်တာ။

ပါးလုံးလည်း ဘလော့နာမည် ဘာပေးရမှန်းမသိဘူးဖြစ်နေတာ။ အဲ့တလောက အဲ့သူငယ်ချင်းက ဘာအရူးထလည်းမသိဘူး။ ထိုင်းမှာ အဲ့သူငယ်ချင်းနဲ့က အတူတူသွား အတူတူစား အတူတူအိပ် မုန့်သွားစားလည်းအတူတူဆိုတော့ သူကအဲ့တလောက တခုခုဆို ချစ်ပါးလုံးကြီးရေ နင့်ကိုအရမ်းချစ်တာပဲဆိုပြီး အတင်းကို ဆွဲစိတ်တာ။ အသားကိုနယ်ဖတ်ပြီး နာသလားမပြောနဲ့ ဆိုင်မှာ မုန့်စားရင်းလည်း ထထပြီး ချစ်ချစ်ပါးလုံးကြီးရေ ဆိုတော့ လူက ကြက်သီးပါမွှေးညှင်းထတယ်။ အဲ့ကရင်မလေးကို လွမ်းတောင်လွမ်းလာပြီ။

အဲ့ဒါနဲ့ ပါးလုံးလည်း ပါးလုံးဆိုတဲ့နာမည်ကို ဘလော့မှာပေးဖို့အကြံရသွားတာ။ နောက်ပြီးတော့ သူကချစ်ချစ်ပါးလုံးကြီးခေါ်လွန်းလို့ ဟုတ်ပြီ ချစ်ပါးလုံးလို့ပေးမယ်ဆိုပြီး ဖြစ်သွားတာ။ ဒီနာမည်ကိုက အရမ်းလည်းကြိုက်ပါတယ်။ အရမ်းလည်း နှစ်သက်သလို တန်ဖိုးထားတဲ့ နာမည်လေးပါ။ အဲ့နာမည်လေးအကြောင်း ပြောခွင့်ပေးတဲ့ ကိုဝသန်ကိုလည်း ကျေးဖူးတင်ပါတယ်။ ဘာပဲဖြစ်ဖြစ် ဒီလောက်ဆိုအိုကေပြီပေါ့နော်။
မတက်ဂ်တော့ဘူးနော်။ ဘာဖြစ်လို့လည်းဆိုတော့ ပါးလုံးမှာသော့မရှိလို့ပါ အဟဲသော့ပျောက်နေတယ်။

အားလုံးပဲပျော်ရွှင်ကြပါစေ။ ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

ထားခဲ့ဖူးသော ရည်းစားများ (တက်ဂ်ပို့စ်)

ရည်းစားအကြောင်းရေးခိုင်းတော့ မရေးရင်လည်း ဒီအကိုကိုမလေးစားရာရောက်ဦးမယ်။ ဒီအကိုကလည်း စာမေးပွဲရှိတယ်ဆိုတာကို အလိုက်မသိတော့လည်း ပါးလုံးက အလိုက်သိမှဖြစ်တော့မယ်လေ။ ရေးပြန်ရင်လည်း ဘာရေးရမှန်းမသိ။ အဲ့တော့ ပါးလုံးစဉ်းစားလိုက်တယ်။ မတွေ့ရ မမြင်ရ မထိတွေ့ရရင် မနေနိုင်ခဲ့တဲ့ ပါးလုံးကရည်းစားလို့ သတ်မှတ်ထားတဲ့ ပါးလုံးရဲ့ တန်းစီနေတဲ့ ရည်းစားတွေအကြောင်းကို မရေးချင်ရေးချင်နဲ့ ရေးရတော့မှာပေါ့။

အမှန်ကတော့ စာမေးပွဲပြီးမှရေးမလို့။ အခုတော့ စာထဲလည်းအဲ့စိတ်ကရောက်နေတယ်။ ရေးလိုက်မှပဲ စာကိုအေးအေးဆေးဆေး ဆက်လုပ်လို့ရမယ့်သဘောရှိနေတယ်ဆိုတော့ ရေးပြီဗျာ။ အဟဲ သေသေချာချာသာ ဖတ်ပေတော့။ ကိုဂျပန်တို့ ကိုဖိုးစိန်တို့လိုတော့ အချစ်တွေက အုန်းမြစ်တွေလို မများပါဘူး။ အဟဲ။

ဒီလိုဗျ။ ပါးလုံးက ငယ်ငယ်ကတည်းက အိမ်ကပေးထားတဲ့ တာဝန်ကိုလုပ်မယ်။ ကျောင်းသွားမယ်။ စာကျက်မယ်။ သိုင်းကားကြည့်မယ်။ ဘုရားကျောင်းသွားမယ်။ ရေကူးမယ်။ ဒါပဲလေ။ ဆယ်တန်းအောင်တဲ့အထိ ဘာကိုကြိုက်လို့ ဘာကိုစွဲလမ်းမှန်းမသိဘူး။

အဲ့ဒါကြောင့် ငယ်ငယ်ကတည်းက သူငယ်ချင်းတွေက ပြောကြတယ်။ အချစ်ဆုံးသူငယ်ချင်းတွေကတောင် ပါးလုံးရှေ့မှာ သူတို့ရည်းစားအကြောင်းမပြောဘူး။ ကောင်လေးတွေ ပါးလုံးကိုရည်းစားစာပေးချင်ရင်တောင် ပါးလုံးမရှိတဲ့အချိန်မှ စားပွဲမှာလာထားရဲတယ်။ အောင်သွယ်လည်း ဘယ်သူမှမလုပ်ရဲဘူး။ ပိတ်ပြောပစ်လို့လေ။ အသဲနှလုံးမရှိဘူးတဲ့။ အဲ့လောက်ကို တော်တာ။ သူတို့ပြောရင် ကိုယ်နဲ့လုံးဝမဆိုင်သလိုကို နေတာ။

ပထမနှစ်တက်တော့ ပါးလုံးသူ့ကိုစွဲလမ်းလာတယ်။ မနက်ဆိုရင် သူနဲ့မတွေ့ရရင် တနေ့လုံး နေ့လည်စာလည်းစားမရ ဘာစားစား တခုခုလိုနေသလိုပဲ။ သူ့ကိုမတွေ့ရရင် မနေနိုင်ဘူး။ သူ့အတွက် အမြဲတမ်းလည်း ပိုက်ဆံကိုဖယ်ထားတယ်။ နောက်ပြီးတော့လေ ညဆိုရင် ပါးလုံးက အိမ်ပြန်နောက်ကျတယ်။ ဆယ်တန်းတွေကို ကိုက်လိုက်လုပ်တာ နှစ်နေရာဆိုတော့ ၉နာရီကျော်မှ အိမ်ပြန်ရောက်တယ်။

အဲ့လိုဆို ပါးလုံးအတွက် ချန်ထားတဲ့ ညစာက ထမင်းကြမ်းမကျန်နိုင်ဘူးဆိုရင် ပါးလုံးညစာကို မစားပဲ မနက်သူ့အတွက်ချန်ထားတယ်။ အဲ့လောက်ကိုစွဲလမ်းခဲ့တာ။ သူက ပါးလုံးတို့အိမ်နားမှာပဲလေ။ မြန်မာပြည်က ထွက်လာတော့လည်း အစပိုင်းဆို လုံးဝမနေတတ်ဘူး။ မနက်ဆို သူ့ကိုမှမတွေ့ရ မမြင်ရကိုး။ သူဘယ်သူလည်းဆိုတာ နောက်ဆုံးမှပြောပြမယ်နော်။ သူက ပထမရည်းစားပေါ့ဗျာ။

နောက်ဒုတိယရည်းစားကလည်း ပထမနှစ်မှာပဲ။ သူငယ်ချင်းတယောက်က မိတ်ဆက်ပေးတာ။ သူ့ကိုစမြင်တုန်းက သန့်သန့်ပြန့်ပြန့် မဟုတ်လောက်ဘူးလို့ထင်ထားတာ။ နောက်တော့မှ သူကတကယ်ကိုသန့်တယ်ဗျ။ သိလား။ သူငယ်ချင်းကတခါမိတ်ဆက်ပေးတာနဲ့ နောက်နေ့ဆို ကျောင်းက ပြန်ရင်သူ့ကို မမြင်ရ မတွေ့ရရင်ကို မနေနိုင်ဘူးသူ့ကို၊ ပါးလုံးကျောင်းဆင်းတာနဲ့ ကျူရှင်သွားတယ်။

၆နာရီထိုးပြီးမှ သူကထွက်လေ့ရှိတယ်။ အဲ့တော့ ပါးလုံးက ကျူရှင်ရှိတဲ့နေ့ဆို သူနဲ့တွေ့လို့ရတယ်။ ကျူရှင်ဆင်းတာနဲ့ သူ့ဆီလစ်တာပဲ ပြီးမှ ကိုက်လိုက်လုပ်တယ်။ အဲ့အချိန်ကို အိမ်ကသိတယ်။ အိမ်ပြန်မလာနိုင်ဘူးလေ။ ကျူရှင်မရှိတဲ့နေ့တော့ မတွေ့ရဘူးပေါ့ဗျာ။ ဒါပေမယ့် ကျူရှင်ရှိတဲ့နေ့တော့ သူနဲ့ရအောင်တွေ့တယ်။ သူ့ကိုမတွေ့ရရင် ပါးလုံး သူများကိုစာသင်ရတာလည်း စိတ်မပါတော့ဘူး။ အဟီး။ သူကတော့ တောင်ငူက အာရှဒနဘဏ် ထောင့်မှာနေတယ်။ အဲ့ဒါဘယ်သူလည်းဆိုတာ နောက်ဆုံးမှ ပြန်ပြောမယ်နော်။ သူက ပါးလုံးကိုဆွဲဆောင်နိုင်တဲ့ ဒုတိယရည်းစားဆိုပါတော့။

အဲ နောက်သူငယ်ချင်း တယောက်က မိတ်ဆက်ပေးတာနဲ့ ပါးလုံးအဲ့ပထမနှစ်မှာပဲ နောက်ထပ်စွဲလမ်းစရာပေါ်လာပြန်ရော။ သူ့ကို စမိတ်ဆက်ပေးတုန်းကတော့ အထင်သေးတယ်ဗျာ။ သိလား။ ဟင်နင်ကငါ့ကိုသူ့ဆီမှ ခေါ်လာရလားဆိုပြီးတော့လေ စိတ်ထဲက။ သူကတော့ ပါးလုံးကျူရှင်မရှိတဲ့နေ့တွေဆို ကျောင်းကအပြန် သူ့ကိုတွေ့ရရင် အမောကိုပြေသွားတာပဲ။
အထူးသဖြင့် စာမေးပွဲရှိတယ်ဆိုရင် ပါးလုံးစိတ်တွေရော လူရောပင်ပန်းတဲ့အချိန်ပေါ့။ သူ့က အမြဲအေးချမ်းနေတာပဲ။ စာမေးပွဲမှာ ခေါင်းပူခဲ့သမျှ သူနဲ့တွေ့ရင် အမောတွေဘယ်ရောက် ကုန်တယ်မသိဘူး။ အဲ့လောက်ကို အေးချမ်းတာ။ ပြီးတော့ သူ့မှာ ဟိတ်ဟန်မရှိဘူး။ အရှိအတိုင်းလေးကို အေးချမ်းတာ။ သဘာဝပဲလေ။ အဲ့ဒါကိုသဘောကျတာ။

သူကတော့ ဘယ်မှာနေတယ်မသိဘူး။ ဒါပေမယ့် သူ့ကိုတွေ့ချင်ရင်တော့ ဘိုးဘွားရိပ်သာထောင့်ကို သွားရတယ်။ ပါးလုံးကျူရှင်မရှိတဲ့နေ့တွေဆို ပါးလုံးအဲ့လမ်းက ပြန်တယ်။ သူ့ကိုဝင်တွေ့တယ်။ ပြီးမှအိမ်ပြန်တယ်။ သူ့ကိုအဲ့လောက်စွဲလမ်းခဲ့တယ်။ ပါးလုံး အစွဲလမ်းဆုံးတတိယ ရည်းစားပေါ့ဗျာ။ အဲ့အစွဲလမ်းဆုံး တောင်ငူက သုံးယောက်ကို ပါးလုံး ပြန်ရောက်လို့ကတော့ အပြေးသွားတွေ့မှာပါ။ သူတို့တွေရှိပါစေ ဆုတောင်းတယ်။ သူတို့ဆီကို အရောက်သွားမလို့လေ။

နောက်ဆုံး စတုတ္ထမြောက်ကတော့ အခုထိ စွဲလမ်းတုန်းပဲ သူမရှိရင်ကို မနေနိုင်ဘူး။ ဒါပေမယ့် သူနဲ့အဆက်အသွယ် ပြတ်နေတာ တစ်နှစ်လောက်ရှိတော့မယ်။ ပါးလုံးသူ့ကိုစွဲလမ်းတာကို အိမ်ကသိတယ်။ ဒါပေမယ့် အိမ်ကအဒေါ်တွေက တခါမှ သူနဲ့တွေ့ရအောင် မကူညီပါဘူး။ တွေ့ချင်ရင် ကိုယ့်ဟာကိုသာ ရှာကြံရတယ်။

မှတ်မှတ်ရရ ပါးလုံးအရမ်းဖျားတုန်းကပေါ့။ ပါးလုံးက ငယ်ငယ်ကတည်းက ကိုယ်တွေလက်တွေ အရမ်းကိုက်တတ်တယ်လေ။ အဲ့လိုနာပြီဆိုရင် စကားလည်းမပြောတော့ဘူး။ အိပ်ယာထဲမှာကို လဲနေတာ။ ဟိုဘက်ဒီဘက်လည်း ရွှေ့လို့မရဘူးလေ။

အိမ်ကအဒေါ်က စိတ်ပူတာပေါ့။ ဆေးခန်းတွေလည်းစုံလို့ ဆေးရုံလည်းရောက်တယ်။ နောက် တရုတ်အပ်စိုက်ဆိုလည်း စိုက်တယ်။ အဲ့ဒါတောင်မပျောက်ဘူး။ နောက်ဆုံးပါးလုံးအဒေါ်လည်း အရမ်းကိုစိတ်ညစ်ပြီး သူအိမ်ကထွက်သွားတယ်။ ပြန်လာတော့ ပါးလုံးအဒေါ်က သူ့ကိုခေါ်လာတယ်။

ပါးလုံးပျော်လိုက်တာ။ ဘာမှမစားမသောက်တဲ့ပါးလုံးလေ။ ဘယ်လိုပျော်မှန်းကိုမသိဘူး။ နောက်နေ့ကျတော့ ပါးလုံးဘယ်လို ဘယ်လိုနေကောင်းသွားလည်း မသိဘူး။ ပါးလုံးအဒေါ်တွေက နောက်တခါဖျားပြီဆိုရင် သွားခေါ်ပေးရမလားပြောတယ်။ အဲ့ဒါနေမကောင်းဖြစ်ရင် သူနဲ့တွေ့ရင်ပျောက်ရော။ သူက စတုတ္ထရည်းစားပေါ့။

ကဲသူတို့နာမည်တွေ ပြောပြမယ်နော်။ သိချင်နေပြီဟုတ်။ အင်းပထမရည်းစားကတော့ ပါးလုံးတို့တောင်ငူမှာ သူ့ကိုခေါ်ကြတာတော့ ငါးကြင်းရွှေဝါ တဲ့ ငယ်ပေါင်းတဲ့။ တို့ဖူးလေ။ ပါးလုံးမိုးလင်းလို့ မစားရရင် မနေနိုင်ဘူး။ စားရင်တောင် ထမင်းကြမ်းနဲ့ပဲစားချင်တာ။ အဲ့ဒါကြောင့် ညကတည်းက ထမင်းကြမ်းမကျန်မှာဆိုးလို့ ညစာပါ တခါတလေ အငတ်ခံတယ်လေ။အဟိ။

ဒုတိယရည်းစားနာမည်ကတော့ တောင်ငူမုန့်ဟင်းခါးဟင်းရည်ကျဲ။ ဒါတောင် အာရှဘဏ်ထောင့်ကနော် အဲ့အဒေါ်ကြီးက သုတ်တာ အရမ်းတော်တာပဲ။ ပါးလုံးလို ဘာကိုမှစွဲစွဲလမ်းလမ်း မကြိုက်တတ်တဲ့သူတောင် မစားရရင် ဘိန်းစွဲသလိုပဲ။ သူကသုတ်ရင်လည်း ချိုင့်ထဲမှာ ဇွန်းနဲ့ပဲမွှေပေးတာ နှံနေတာပဲ ပြောရင်းတောင် စားချင်လာပြီ။ ဂလု...ဂလု....။

အင်း တတိယ ရည်းစားကတော့ တခြားမဟုတ်ဘူး ဘိုးဘွားရိပ်သာဒေါင့်က မကျည်းဖျော်ရည် ဟိတ်ဟန်မရှိတာကတော့ သူကအထမ်းနဲ့ရောင်းတာ။ သူကကျောက်ကျောလေးတွေလည်းပါတယ်။ ဈေးလည်းသက်သာတယ်။ ရေခဲလည်းပါတယ်။ သံပုရာခြမ်းလေးလည်းပါတယ်။ ချိုလည်းချို။ အေးလည်းအေး။ မွှေးလည်းမွှေး အစပ်လည်းတည့်တယ်။ဆေးသကြားမပါဘူး သဘာဝ ထန်းလျှက်နဲ့ဖျော်တာ ကောင်းမှကောင်း အဲ့တော့မှတော့ သူ့ကိုစာမေးပွဲ ဖြေပြီး မတွေ့ရရင် ဘယ်နေနိုင်ပါ့မလည်း။

အင်းနောက်ဆုံးတယောက်တော့ ဂျယ်လီ မစားရရင်ကို သေမလိုပဲ။ အိကလည်းအိ မွှေးလည်းမွှေး သြော် ဂျယ်လီတောင် ရိုးရိုးမဟုတ်ဘူးနော်။ တလုတ်စာပါးစပ်ထဲ ထည့်ရုံပဲနော် သူကအရမ်းစားကောင်းတာပဲ။ သိလား၊ အဖျားပါပျောက်တယ်။ ဖျားတုန်းက အဒေါ်ကကြံရာမရတော့တဲ့အဆုံး ဂျယ်လီအထုတ်ကြီးတထုတ်ဝယ်လာတာ။ တထိုင်တည်းကိုစားပစ်တာ။ မနက်နေကောင်းသွားရော။ စားကြည့်ပါလား ထိုင်းကလာတာလေ။ အရမ်းကောင်းတယ်။ သူက နောက်ဆုံးချစ်သူဆိုပါတော့။

ဒီလောက်ဆို ကိုဗညားကျေနပ်လောက်ပါပြီနော်။ အပျိုကြီးတွေနဲ့ နေခဲ့တဲ့ပါးလုံး၊ အပျိုကြီးဇာတာပါတဲ့ပါးလုံးကို ပထမဆုံး အတဂ် ခံရတာက ထားခဲ့ဖူးသော ရည်းစားများတဲ့ ဘယ့်နှယ့် ဘာရေးလို့ရေးရမှန်းကိုမသိဘူး။ အဲ့တော့ ဒီလိုရေးလိုက်တယ်လေ အဟိ ဖျံကျတာတော့မဟုတ်ပါဘူးနော် မရေးတာထက်စာရင်ပေါ့။

အကိုတွေအမတွေကို တလက်စတည်း တောင်းပန်ပါရစေနော်။ ပါးလုံး ဒီ၂ပတ်ကျော်လောက် ဘလော့နဲ့ဝေးနေပါဦးမယ်။ လည်ဖြစ်မယ်လည်း မထင်ပါဘူး။ အိမ်ကိုလည်း ခဏအပ်ခဲ့ပါရစေ။ လွှင့်မပစ်ကြနဲ့နော်။ အိမ်ကိုလာစောင့်ပေးကြနော်။ ပါးလုံးစာမေးပွဲရှိလို့။

အကိုတွေအမတွေရဲ့ စာတွေကိုလည်း စာမေးပွဲပြီးတာနဲ့ အကြွေးဆပ်ပါ့မယ်။ ပါးလုံးမရှိတဲ့အိမ်ကလေးကို နည်းနည်းပါးပါး စောင့်ပေးကြပါနော်။ ပစ်မထားနဲ့နော်။ တံမြတ်စည်းတို့ အရွက်တွေကြွေရင် နည်းနည်းကောက်ပေးနော်။ သောက်ရေလေးလည်း ဖြည့်ပေးနော်။အိမ်မှာ။ စိတ်ချလက်ချလေး စာမေးပွဲဖြေလိုက်ဦးမယ်နော်။ ဒီတပတ် စာလည်းများလို့မေတ္တာရပ်ခံတာပါ။

ကဲ တက်ဂ်ပြီဟေ့ သော့သာဆောင်ထားပေတော့။ ခင်မင်စွာဖြင့်
၁။ ။ကိုမီကိုဇံ (ပန်မြတ်သွင်) တထောင့်တညရေးပေတော့ ပါးလုံးစာမေးပွဲပြီးတာနဲ့လာဖတ်မယ်နော်။
၂။ ။မောင်ဖိုးနမ်း (ခ) ကိုလင်းနေ အဟဲခင်လို့
၃။ ။အဖြူရောင်အကိုများ( ရေးချင်တဲ့သူသာရေး)
၎။ ။အမေများနေ့ပြီးတာတောင် အသစ်မတင်တဲ့ ကိုနေဒေးသစ်
၅။ ။မွေးနေ့အတွက် မအားတဲ့ကြားထဲက ပါတီလုပ်ပေးသော ကိုဝေယံ
၆။ ။အခုဘုန်းကြီးဝတ်နေတဲ့ ပါးလုံးကို ဂျယ်လီလေးလို့ခေါ်တတ်တဲ့ ကိုလင်းကြယ်ဖြူ (ထွက်တာနဲ့ရေးပေတော့)
ကျန်တဲ့သူကတော့ စဉ်းစားတာ တက်ဂ်ပြီးကုန်ပြီဆိုတော့ ချမ်းသာပေးလိုက်တော့မယ်။ အားလုံးပျော်ရွှင်ပါစေ။

ခေတ္တ ပင်ဆင်
ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

ကြွေလွင့်သွားသော အိမ်မက် (ဇာတ်သိမ်း)

သီဟတယောက်ကလည်းလေ အခုထိကိုမလာသေးဘူး။ “ ကားထွက်တော့မယ်လေ။ ကျေး ကားပေါ်မတက်သေးဘူးလား” ကျေးအဒေါ်လှမ်းခေါ်တော့မှ ကျေးတယောက် ကားပေါ်တက်ရ မှာကိုသတိယတော့သည်။ အေးလေ သူမလာတာလည်း ကောင်းပါသည်။ ကျေးမျက်ရည်မကျချင်။ ကားပေါ်တက်ခါနီး…

“ ဟေ့ ကျေး တော်သေးတာပေါ့ ငါကကားထွက်သွားပြီလားလို့ မေမေနှိုးလို့ဟ ငါမနက်လေးနာရီကျော်မှ အိပ်ပျော်သွားတယ်။ အဲ့ဒါ ငါအခုဆိုင်ကယ်အမြန်မောင်းလာတာ။ နင့်ကို ငါရန်ကုန်ထိလိုက်ပို့ချင်တာဟ၊ စာမေးပွဲနီးတော့ မေမေကမလွှတ်ဘူးဟာ နင်ဘာပဲဖြစ်ဖြစ် ရန်ကုန်ရောက်ရင်တော့ ဖုန်းတချက်ဆက်နော် သိလားမမေ့နဲ့နော် ငါဘုရားကျောင်းကနေ ပြီးပြီး ချင်း အိမ်ပြန်ပြီး နင့်ဖုန်းကိုစောင့်နေမယ် အဲ့အချိန်နင်ရန်ကုန်ရောက်နေလောက်ပြီ။သိလား နော်။ နင်ငါ့ကိုအမြဲမုန်းနေပါနော်။ ပြီးတော့ နင်ဘယ်ယောက်ျားလေးကိုမှ မျက်စောင်းမထိုးနဲ့ ပြီးတော့ မပြုံးမိစေနဲ့သိလား အဲ့အချိန်နင်က အလှဆုံးပဲ။ အဲ့လိုဆို နင့်ကိုချစ်သွားလို့ နင်ငါ့ကိုမမုန်းတော့မှာ ငါကြောက်တယ်။ မမေ့နဲ့နော်”

“ အေးပါဟာ ငါနင့်ကိုမဆက်သွယ်နိုင်ရင်တောင် ငါအမြဲတမ်းမုန်းနေမှာပါ နင်အဲ့ဒါကိုမမေ့နဲ့နော်။ ဆိုင်ကယ်ဖြည်းဖြည်းမောင်းနော် သိလား စာကြိုးစား တနေ့ပြန်ဆုံတာပေါ့နော်။ ရန်ကုန်ရောက်လို့ ငါအစဉ်ပြေရင်ဆက်မယ် နင်ဖုန်းတော့မစောင့်နဲ့နော် သိလား နင်လည်းကတိတည်နော်။ ငါ့ကိုရ အောင်ရှာမယ်ဟုတ်။ ပျော်ရွှင်ပါစေနော်”



ကားကတဖြည်းဖြည်းထွက်လာတော့သည်။ သီဟနဲ့လည်း ကောင်းကောင်းစကားမပြောဖြစ် နောက်တော့ သူက ကားထွက်တာကိုပင်မစောင့် ကားကိုကျော်ပြီး ပြန်သွားသည်။ ကျေးလည်း လိုက်မကြည့်တော့ နောက်တော့ မြို့အထွက်နားရောက်တော့ ကျေးအဒေါ်က “ ဟယ် ဟိုမှာ သီဟ နင့်ကိုလှမ်းကြည့်နေတယ်”

သြော် သီဟရယ် သူမြို့အထွက်ထိလိုက်ကြည့်နေလေရဲ့ ကျေးစိတ်ထဲမှာလည်း မခံစားနိုင်ပါဘူး။ ဒါပေမယ့် ဘယ်တတ်နိုင်မလည်း ကျေးကပညာတတ်တယောက်ဖြစ်ချင်တာကိုး ကိုယ့်ဘ၀အတွက် ဒီလောက်တော့ ခံစားချက်ကိုရင်းရပေမပေါ့။

တောင်ငူမှ ထွက်လာပြီးကတည်းက ကျေးဖုန်းမဆက်ဖြစ် ကျေးသူ့ကိုဖုန်းမဆက်ဖြစ်တာ သူ့အသံကြားရင် ကျေးစာလည်းကောင်းကောင်းလုပ်လို့ရမှာမဟုတ်ဘူး။ သီဟရယ် ငါနင့်ကိုအရမ်းမုန်းတာပဲဟယ် နင်ဘာတွေလုပ်နေလည်း ငါသတိယပါတယ်။

ကျေးအိမ်နဲ့ဆက်သွယ်ခဲ့ပေမယ့် နှစ်နှစ်ကျော်ကျော် သီဟကိုတော့ လုံးဝမဆက်သွယ်ဖြစ်ခဲ့ပါ ထွက်လာတုန်းက ကျေး ဖုန်းနံပါတ်တွေမှတ်ထားတဲ့စာအုပ် ဘယ်မှာပျောက်သွားတယ်မသိ ထုတ်ရလွယ်အောင် အိတ်အပြင်ဘက်မှာ ထည့်ထားခါမှ ဘယ်လိုဘယ်လိုကျသွားတယ်မသိဘူး အဲ့ဒါနဲ့ သူငယ်ချင်း တွေကိုလည်း မဆက်သွယ်ဖြစ် ကျေးသီဟကိုလည်း မဆက်သွယ်ဖြစ် အိမ်ကိုလည်း မမေးချင်တာ နဲ့ ကျေးတယောက် သီဟနဲ့အဆက်အသွယ် မလုပ်ဖြစ်ခဲ့။

နှစ်နှစ်ကျော်တဲ့ ဒီဇင်ဘာလမှာ ကျေးအမက ကျေးကိုပြောတယ်။ “ ကျေးနင်စိတ်ကိုငြိမ်ငြိမ်ထား နော်နင်ခံစားရမှာငါသိပါတယ်။ သီဟလေ” သူကဘာမှဆက်မပြောသေးပဲ အသံတိမ်ဝင်သွားသည်။

“ ဘာဖြစ်လည်းဟ သူမိန်းမရသွားလို့လား ယူသွားပါစေပေါ့ဟာ ပြောမှာသာပြောစမ်းပါ သီဟဘာ ဖြစ်လို့လည်း”

“ သီဟဆုံးသွားပြီဟ ဇူလိုင်လကတည်းက ဆုံးတာ နင့်ကိုငါပြောမထွက်လို့ အဲ့ဒါငါဒီနေ့တော့ ပြောမှဖြစ်မယ် ငါနင်စိတ်မကောင်းတာနားလည်ပါတယ်။ ဒါပေမယ့် သူဆုံးသွားပြီ သူအိပ်ဆေးတွေ အရမ်းသောက်ပြီး ဆုံးသွားတာတဲ့ သူအိပ်ဆေးတွေသုံးနေတာ တစ်နှစ်လောက်ရှိပြီတဲ့ အဲ့ဒီအိပ် ဆေးက တရားဝင်ဆေး ဒါပေမယ့် သူစိတ်ညစ်အရမ်းညစ်တယ်ထင်တယ်။ သူအဲ့ဆေးကို အများကြီး သောက်ပြီးတော့ ဆုံးသွားတာ။ နင့်စိတ်ကိုထိန်းနော်။”

ကျေးကိုကျေးအမဘာတွေပြောနေသည် မသိတော့ ဘာတွေပြောနေတာလည်း သီဟတဲ့ သီဟပြောတော့ ကျေးကိုလိုက်ရှာမယ်ပြောထားသည်။ ကြိုးစားမယ်ပြောထားသည်။ ကျေး မဆက်သွယ်မိတာ ကျေးအပြစ်လား သူ့ကိုနားဝင်အောင်ပြောနိုင်တာ ကျေးတယောက်တည်း ကျေးသိသည်။ ကျေးဘာလုပ်ရမည်နည်း။ ကျေးမျက်ရည်လည်းမကျ စကားလည်းမပြောနိုင်။

“ ကျေးနင်ငိုလေ နင်ဘာလုပ်နေတာလည်း နင်ငိုလိုက်ပါဟာ နင့်အတွက်သက်သာပါတယ်။ နင်အဲ့လိုမခံစားနေပါနဲ့”

ဟုတ်သည်။ ကျေးတို့အကြောင်းကို သိသော ကျေးအမက နားလည်သည် ကျေးဘာခံစားနေရတာ သူသိတယ်။ ဒါပေမယ့် ကျေး အတွေးတွေမရှိတော့ပါ အိမ်မက်တွေမရှိတော့ပါ ကျေး ဘာလုပ်ရမည်နည်း၊

မိဘမဲ့ဂေဟာအတူတူဖွင့်မယ် ပြောသွားခဲ့တဲ့ သီဟ နှစ်ယောက်သား တက်ညီလက်ညီကလေးတွေ ကိုပြုစုပျိုးထောင်မယ်ပြောခဲ့တဲ့ သီဟ အခုတော့ ကျေးကိုဒီတာဝန်တွေနှင့် တယောက်တည်းထားခဲ့ သည်။ ကျေးမှာတော့ ကြိုးစားလိုက်ရတာ။ ကလေးများနှင့်ပတ်သတ်သမျှ စိတ်မ၀င်စားလည်း အတင်းလေ့လာသည်။ မှတ်သည်။ ကြိုးစားသည်။ အခုတော့ ကျေးကို သူရက်ရက်စက်စက် တယောက်တည်းထားခဲ့သည်။ သူရက်စက်သည်။ ကျေးဘာလုပ်ရမည်နည်း။

တွေ့ရခါနီးမှပဲ သီဟရယ် နင်ငါ့ကိုရက်ရက်စက်စက်ထားခဲ့ရလား။ ငါ နင့်ကိုကောင်းကင်နိုင်ငံ ရောက်လို့ ပြန်တွေ့လို့ကတော့ နင်မလွယ်ဘူးမှတ်။ ကျေးစိတ်ထဲမှာ ကျိန်းဝါးနေမိသည်။ ကျေးစိတ်ဆိုးလျှင် မျက်ရည်ကျမည်ပြော၍ မျက်ရည်ကျအောင် တမင်လုပ်သွားတာလား ကျေးနားလည်သည်။ သူဘယ်လို ဘယ်လောက်ခံစားရမည်ဆိုတာကို ထို့အတွက် ကျေးစိတ်မဆိုးပါ။ ကျေးငိုလျှင် စိတ်သက်သာမည်ဆိုတာ ကျေးသိသည်။

ဒါပေမယ့် ကျေးမငိုပါ ကျေးသူ့ကိုစိတ်မဆိုးပါ။ ကျေးကလွဲရင် ဘယ်သူမှနားလည်မည်မဟုတ် ကျေးသာသူ့ကိုနားလည်သည်။ သူဘာဖြစ်လို့ ကောင်းကင်နိုင်ငံကို စောစောသွားသည် ဆိုတာ ကျေးသိသည်။ ကျေးကိုသူပြောခဲ့တဲ့ သူ့သစ္စာဆိုတာ မှန်သည်ဆိုတာ ကျေးကြာလေ သိလေဖြစ်သည်။

ကျေးကိုသီဟပေးခဲ့တဲ့ လက်စွပ်က အချိန်တွေဘယ်လောက်ကြာကြာ ဟောင်းမသွားပါ။ မွဲမသွားပါ။ ကြာလေလက်လေ။ ကျေးဘယ်လက်စွပ်မှမစွပ်ပေမယ့် ကျေး သီဟပေးတဲ့ လက်စွတ်ကိုဘယ်တော့မှမချွတ်ခဲ့။ ပျောက်သွားလျှင်လည်း ဘယ်လိုဘယ်လို ပြန်ရောက်လာသည်မသိ။ ပျောက်တာလည်း အခါပေါင်း မရည်တွက်နိုင်တော့။ အလွန်ဆုံး တပတ် ပြီးလျှင်ပြန်ရောက်လာသည်ချည်းပင်။ ဒါဟာ သီဟရဲ့ သစ္စာမှန်း ကျေးသိ သည်။

ဒါပေမယ့် ကျေးသိချင်သည်က သူရဲ့ နောက်ဆုံးအချိန်မှာ သူ့လက်စွပ်လေးကို သူများတွေ ချွတ်ပစ်လိုက်လား ကျေးတော်တော်သိချင်လှသည်။ ကျေးသူ့ကို မုန်းသည်။ အရမ်းကိုမုန်းသည်။ ဒါကိုသူကောင်းကင်နိုင်ငံကနေ ကြားနိုင်ပါစေ။

အခုတော့ ကျေးရဲ့ အဖြစ်ချင်ဆုံးဆန္ဒက သူ့အုတ်ဂူအဖြူလေးဆီကို နှင်းဆီပန်းအနီလေးတွေ သွားချချင်ခြင်းပါ။ ဒါကိုကျေးကလွဲလို့ ဘယ်သူသိမှာလည်း။ နှင်းဆီအနီကြိုက်မှန်းသိလို့ နွေပိတ်တိုင်း နှင်းဆီပန်းစိုက်ရတာ အမော သီဟရယ် ဒီတခါတော့ ငါစိုက်အလှည့်ပေါ့နော်။ နင်ကငါ့ကိုတာဝန် ကောင်းကောင်းပေးသွားတာပဲနော်။

“ဟဲ့ ကျေးနင်ဘာတွေတွေးနေတာလည်း ငါခေါ်နေတာကြာပြီ။ မနက်ဖြန်နင်ခရီးထွက်မယ်ဟုတ်။ အဲ့ဒါ ဒီမှာဆေး မှားပါတယ် ရော့”

ကျေးအမလှမ်းခေါ်မှပဲ ကျေးသတိယတော့သည်။ ဟုတ်သည် ကျေးကနေကောင်းသည်မဟုတ် ဆေးကိုအမြဲဆောင်ထားရသည်။ ခရီးထွက်မည်ဆိုတော့ ပိုဆိုးသည်။ ကျေးရဲ့ သီဟနဲ့အတူတူ ကျမ်းစာကျောင်းတက်ပြီ၊ မိဘမဲ့ဂေဟာ ဖွင့်မယ်ဆိုတဲ့ ကြွေသွားတဲ့အိမ်မက်လေးကို ကျေးတယောက် နှမြောတမ်းတစွာ ပြန်တွေးမိနေသည်မှာ ဘယ်လောက်ကြာသွားသည်မသိ။ ကျေးခြေထောက်တွေပင် တောင့်နေသည်။

ကြွေလွင့်သွားတဲ့အိမ်မက်ကို ကျေးတယောက် တမ်းတနေ၍မဖြစ် အဲ့ဒီအိမ်မက်အဟောင်းအတွက် ကျေးကြိုးစားရမယ်။ ဟုတ်သည်။ ကျေး တယောက်တည်းလျှောက်ရမယ့် ဒီလမ်းအတွက် ကျေးကြိုးစားရမည်။ သီဟအတွက်ပါ နှစ်ဆကြိုးစားရမည်။


ပထမဆုံးရေးတဲ့ ဖြစ်ရပ်မှန် ၀တ္ထုတိုလေးပါ ဆားတို့အချိုမှုန့်တို့လိုရင်လည်း ကိုယ့်ဟာကိုသာ လိုသလိုထပ်ဖြည့်ထည့်ပြီး ဖတ်ပေးကြပါနော်။ အဟိမေတ္တာရပ်ခံတာ။ ကြိုးစားပါဦးမည်။ ပျော်ရွှင်ပါစေ။
ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

ကျေးဇူးတင်လွှာ

ဒီနေ့ ဒီအချိန်ထိ ကောင်းမွန်စွာ နေထိုင် အသက်ရှင်ခွင့်ပေးသော ဘုရားသခင်ရဲ့ ကျေးဇူးတော်ကိုရှေးဦးစွာ ချီးမွမ်းပါတယ်။ မျက်နှာမြင် ကန်ချင်ပါစေ၊ မဖြစ်ပဲ မျက်နှာမြင်ချစ်ခင်ပါစေ ဖြစ်အောင် မွေးပေးထားတဲ့ ဘယ်ရောက်နေမှန်းမသိတဲ့ အမေ့ကိုလည်းကျေးဇူးတင်ပါတယ်။ သမီးရဲ့မွေးနေ့ကိုတောင်မသိတဲ့ အဖေ့ကိုလည်း ကျေးဇူးတင်ပါတယ်။

ပြီးတော့ ပါးလုံးရဲ့မွေးနေ့ကို သတိပေးစရာမလိုပဲ နှစ်တိုင်းသတိတယနဲ့ ဘုရားကျောင်းမှာပန်းလှူ ၀တ်ပြုလုပ်ပေးကြတဲ့ ဖွားဖွားနဲ့ တီတီတို့ကိုလည်း ကျေးဇူးတင်ပါတယ်။ ပြီးတော့လေ ပါးလုံးအတွက် မွေးနေ့လက်ဆောင်ကဗျာပို့ပေးသော ကိုကြီးဗညား၊ အလုပ်များတဲ့ကြားထဲက ကဗျာကို တမန်းကတန်း ပို့ပေးသော ကိုဆည်းဆာ၊ ပါတီပွဲလုပ်ပေးသော မမမြူး၊ နောက်ပြီးတော့ မွေးနေ့မှာ မျက်ရည်ကျအောင်လုပ်သော အမည်မဖော်လိုသူ၊ ပြီးတော့ ပို့စ်ကဒ်ပို့ပေးတဲ့ သူငယ်ချင်း အစိုင်း၊

နောက်ပြီးတော့ ဂျယ်လီလာပို့သော မမကောင်းကင် နောက်ထပ် လိုချင်တာသာယူဆိုပြီး Google စတိုးကို သယ်လာတဲ့ ကိုရဲဝင့်သူ နောက်ထပ် နောက်ကျတာတောင်လာကြတဲ့ ညီအကိုမောင်နှမ သူငယ်ချင်းများအားလုံး ဆုတောင်းပေးကြသူအားလုံး မရောက်ဖြစ်ကြသူအားလုံးကိုလည်း ကျေးဇူးတင်ပါတယ်။ အခုတော့ ပါးလုံးရဲ့မွေးနေ့လက်ဆောင် ကဗျာလေးကို ပါးလုံးအတူတူ ခံစားဖို့အတွက် ဖော်ပြပေးလိုက်ပါတယ်။


*******မွေးနေ့ *******

ရွာသွန်းတဲ့မိုးရေတွေအောက်မှာ
စိမ်းလန်းနေတဲ့ သစ်ပင်အချို့ နဲ့ 
ဖူးပွင့်စ ပန်းငယ်တွေဝေနေတဲ့နေ့ 
ကမ္ဘာမြေကြီး လှပနေတဲ့နေ့ ....။
ရက် ၊ လ ၊ နှစ်တွေ ဘယ်လိုပဲပြောင်းခဲ့ပေမယ့်
မျှော်မှန်းတဲ့ ပန်းတိုင် ဘ၀ခရီးအတွက်
အရောက်သွားဖို့ ငါဟာ ရှင်သန်ခြင်းအဆင့်ဆင့်နဲ့ 
ခိုင်မာတဲ့အတွေး ရိုသားတဲ့စိတ်ဓါတ်
မျော်လင့်ချက်နဲ့  ရှင်သန်ရင်း
ငါဟာဒီနေ့ မှစမွေးတဲ့
ဒါဟာငါ့ရဲ့ မွေးနေ့ .....။
( ကိုဆည်းဆာ)

"ညီမလေး (သို့) ညီမလေးတဦးလို ခင်ရသော ကောင်မလေး"

အရွယ်ကလေးက အသက် ( ၂၀ )
ဒီကနေ့ ပြည်ခဲ့ပြီးပေါ့ . . . . . . . .
ဂျယ်လီ တစ်ထုပ် ၊ သံစဉ် တစ်ပုဒ်နဲ့
ကွန်ကောင်းကောင်း ပီစီတစ်လုံးရှိရင်
ပျော်နေတတ်တဲ့ ကောင်မလေး . . . . . . . . .

စိုက်ထူခဲ့တဲ့ မှတ်တိုင် ( ၂၀ ) အပြီး
လောကဇာတ်ခုံပေါ်မှာ ချစ်ခြင်း မုန်းခြင်း
ပျော်ရွင်ခြင်း ၀မ်းနည်းခြင်း ထိထိရှရှ
ခံစားချက်တွေနဲ့ အမိမြေကို ခွဲခွါ
ကံဇာတ်ဆရာ အကြောင်း ကောင်းကောင်းသိလို့
တွေ့ကြုံခဲ့ရတာတွေလည်း စုံလောက်ခဲ့ပြီးပေါ့ . . . . . . . . .


သူမ ပြောတတ်တဲ့ စကားတစ်ခွန်း ရှိတယ်
ဘုရားသခင်က သူ့ကိုချစ်တာ သူသိပါတယ်တဲ့ . . .
ဟုတ်တယ် ညီမလေးရေ . . .
ဘုရားသခင်က ညီမလေးကို ချစ်သလို . . .
မိဘတွေက ညီမလေးကို ချစ်သလို . . .
ဆွေမျိုး မောင်နှမတွေက ညီမလေးကို ချစ်သလို . . .
သူငယ်ချင်း ပေါက်ဖော်တွေက ညီမလေးကို ချစ်သလို . . .
ညီမလေးကလည်း အားလုံးကို ပြန်ချစ်ခဲ့တာ
သူတို့တွေလည်း သိခဲ့ပါတယ်တဲ့ . . . . . . . . . . .

ကြယ်စင် တစ်စင်းလို လင်းလက်တောက်ပနေတဲ့ ကောင်မလေး . . .
တက်လမ်းတွေက အသီးအပွင့်တွေ ဝေနေတယ်
စကားပုံတစ်ခု ရှိတယ် “ ကောင်းကင်တစ်မွတ်
ကြယ်ကိုဆွတ်လည်း မလွတ်စတမ်း ရမြဲမှန်၏ ”
ဆိုတဲ့ စကားပုံ . . . ၂၁ ရာစုမှာ ယောက်ကျားတွေအတွက်ပဲ
မဟုတ်တော့ဘူး . .
ကိုယ်လိုချင်တာ ရအောင် ကြိုးစားလိုက်စမ်းပါ
ညီမလေးရေ . . . . . . . . .

စာရေး စာဖတ် ၀ါသနာပါတဲ့ ကောင်မလေး
နောင်လာမည့် အနှစ် ၂၀ ကျ . . .
“ ဂျေကေ ရိုးလင်း ” လို မဖြစ်နိုင်ဘူးလို့ ဘယ်သူပြောနိုင်မလဲ
နောင်လာမည် အနှစ် ၃၀ ကျ . . .
စာပေ နိုဗယ်ဆု မရဘူးလို့ ဘယ်သူပြောနိုင်မလဲ
အမှတ်မထင်တဲ့ မထင်မှတ်မှုတွေနဲ့ . . .
သူမခုတ်မောင်းနေတဲ့ ဘ၀ရထားကြီးလည်း
အတောင်အလက်တွေ စုံလို့ . . . . . . . . . .

ညီမလေးရေ...
၁၂ ရက်နေ့မှာ ကျရောက်တဲ့ ညီမလေး အသက် ၂၀ ပြည့်မွေးနေ့မှစ
နောင်နှစ်ပေါင်းများစွာ များစွာတိုင်အောင်
ဖြစ်ချင်တဲ့ဆန္ဒနဲ့ ဖြစ်နေတဲ့ဘ၀ တစ်ထပ်တည်းကျလို့
ဘ၀ရဲ့ရည်မှန်းချက်ပန်းတိုင်ကို လျှောက်လှမ်းနိုင်ပြီး
မိဘအားကိုးရတဲ့ သမီးကောင်းလေးအဖြစ်
ဒီကနေ့ ကျရောက်တဲ့မွေးနေ့လေးမှ စပြီးအောင်မြင်မှုတွေကို
ရရှိနိုင်ပါစေလို့ ဆုတောင်းပေးပါတယ်
ညီမလေးရေ . . . . . . . . . . .
ကိုကြီးဗညားရှိန်

ဆက်ဖတ်ရန်...

ပြန်သိမ်းပေးရန်...

ကြွေလွင့်သွားသော အိမ်မက် (၁)

အိမ်မက်တဲ့။ ဟုတ်တယ် ကျေးအိမ်မက်မက်နေတာလား။ သြော် ကျေးအိမ်မက်တွေ ဘယ်ရောက်ကုန်ပါလိမ့်။ အိမ်မက်တွေပျောက်ဆုံးကုန်တာ အခုဆိုရင် နှစ်တွေတောင်တော် တော်ကြာခဲ့ပြီပဲ။ အချိန်တွေတောင် တော်တော်ကြာခဲ့ပြီပဲ။
လမ်းလျှောက်ရမှာပျင်းတဲ့ ကျေးတယောက်၊ နှင်းထဲမှာအေးအေးဆေးဆေး လမ်း လျှောက်ရတာလည်းကြိုက်နေပြီ၊ မိုးရွာရင်အိပ်ဖို့သာ သတိယတဲ့ ကျေးတယောက် မိုးရွာရင် ဆွေးနေတတ်ပြီ၊ စက်ဘီးကိုအမြန်နင်းရတာကြိုက်တဲ့ကျေးတယောက် စက်ဘီးကို ဖြေးဖြေးလေး အတွေးလေးတွေ နဲ့နင်းနေတတ်ပြီ။
အပြင်မှာလည်း နှင်းတွေက အသည်းအသန်ကိုကျနေတာ။ ကျေးတို့အိမ်နောက်က တောင်ကြီးမှာလည်း မြူတွေ မှုန်ဆိုင်းလို့။ ပင်လယ်ပြင်ကြီးကတော့ ငြိမ်သက်နေလေရဲ့။ လေတချက်ချက်အဝှေ့မှာတော့ နှင်းတွေလည်း ရောက်ယက်ခတ်ကုန်သလို သူ့အတွေးနဲ့သူ ငြိမ်သက်နေတဲ့ ပင်လယ်ပြင်ကြီးလည်း လှုပ်ခတ်သွားရတာပဲ။ အားလုံးသူ့အတွေးနဲ့ သူ သူ့အလုပ်နဲ့သူ ရှုပ်နေပုံရတယ်။


ကျေးတယောက်လည်း ဘ၀ပေးတာဝန်အရ အလိုလိုဝင်လာတဲ့ အတိတ်က အတွေးတွေကို မတားစီးနိုင်ပဲ ကျေကျေနပ်နပ်ကြီးပဲ အတွေးထဲမှာစီးမျှောရင်း……
“ ဟဲ့ ကျေး ဟာဒုက္ခပါပဲဟာ.. ငါတော့သေတော့မှာပဲ… ငါမသေချင်သေးဘူးဟ… နင်နဲ့နေချင်သေးတယ်…ဟဲဟဲ…. နင်ငါသေရင်ငိုမှာလား….”
“ ဟဲ့ နင်ကလည်း အစမရှိ အဆုံးမရှိ အလယ်ကဘာမှန်းမသိ။ ဘယ့်နှယ့် ဘာဖြစ်လာပြန် တာလည်း..သီဟရယ် ဖြစ်လိုက်မှဖြင့် အသည်းနဲ့အသန်”
“ ငါမေးတာသာဖြေစမ်းပါ။ နင် ငိုမှာလား မငိုဘူးလား.”
“ ဟဲ့ ငါဘယ်တုန်းက ၀မ်းနည်းပြီးငိုဖူးလို့လည်းဟ စိတ်တိုမှမျက်ရည်ကျတာကို အရူး.”
“ အေးပါ နင်ကလည်း မျက်ရည်ကျတာမကျတာထက် နင်ငိုမှာလား မငိုဘူးလား ဒါပဲပြော”
“ နင်သေတဲ့ ပုံစံပေါ်မူတည်ပြီးတော့ ငိုမှာပေါ့ဟယ် ငါစိတ်ဆိုးအောင်လုပ်ပြီး သေရင်တော့ ဒေါသထွက်ပြီး မျက်ရည်ကျချင်ကျမှာပေါ့။. ဒါနဲ့နေပါဦး နင်က သေမယ်သေမယ် ပြောနေရအောင် အခုဘာဖြစ်လာလို့လည်း..”
“ အေး ငါသေရင်တော့ နင်ဒေါသထွက်အောင် လုပ်ခဲ့ရမယ့်ပုံပဲ ဒါမှတစိမ့်စိမ့်တွေးပြီး ငါ့ကိုလွမ်းနေမှာ… ဟဲဟဲ။ မေမေမနေ့က ပြောနေတယ်ဟ မုန့်ပုန်းထဲက ပုဇွန်ခြောက်တွေ မှိုတက်နေတယ်တဲ့ ငါတော့သွားပြီ ဒါပေမယ့် ငါတယောက်တည်းတော့ မဟုတ်ဘူး ဖေဖေရော”
“ ဟဲ့ ပုဇွန်ခြောက်မှိုတက်တာနဲ့ နင်သေတာနဲ့ နင့်အဖေက အစစ်ပါသေးတယ် နင်ကလည်း ရှင်းရှင်းပြောစမ်းပါဟာ…”
“ နင်ကလည်း မှိုတက်တာတွေစားရင် ကင်ဆာဖြစ်တာ နင်မသိဘူးလား”
အခုမှပဲ ကျေးတယောက်သဘောပေါက်တော့သည်။ သီဟအိတ်ထဲမှာ အမြဲပါတာ ပုဇွန်ခြောက်ပါ သူ့အဖေနဲ့ သူအမြဲခိုးစားနေကျ ပုဇွန်ခြောက်ကြိုက်လို့ ခိုးစားခါမှ သူ့အမေက ပုဇွန်ခြောက်မှိုတတ် တယ်ပြောတော့ သီဟတယောက် ခြေမကိုင်မိ လက်မကိုင်မိ သေမှာတော့ကြောက်တတ်သား။
“ နင်ကလည်းဟယ် ငါ့နှယ် ဘာများလည်းလို့ ဆင်ကိုးစီးစားမကုန်တဲ့ နင့်ခန္ဓာကိုယ်နဲ့ မသေနိုင် ပါဘူး ပုဇွန်ခြောက်သူခိုးလေးရယ်”
ဟုတ်တယ် သီဟက အရပ်ကလည်း ရှည်တယ်။ အသားကညိုတယ်။ ပိန်လည်းမပိန် ယောက်ျားပီပီသသရုပ်နဲ့ သေမှာကြောက်နေတာကြည့်ပြီး ကျေးတယောက် တော်တော် ရယ် ချင်မိသည်။
“ အေးပါ ရယ်နေ တကယ်သေမှ မငိုနဲ့ ငါသရဲလာခြောက်မှာ”ပြောရင်းဆိုရင်း သီဟတ ယောက်သူ့လွယ်အိတ်ကို စမ်းတော့သည်။ ပုဇွန်ခြောက်စမ်းတာလေ။
“ကြောက်ပါဘူး အော်ပဲရယ်မှာ”
“ဟဲ့ ငါတို့ သင်္ကြန်ရောက်တော့မယ်။ သင်တန်းစတော့မယ်နော်။ နင်မပျော်ဘူးလား။ ငါဒီနှစ်တော့ လူပြတ်လုပ်ဖို့ပျက်လုံးတွေ အပြတ်ကို ရှာထားတယ်။သိလား။ နင်ငါနဲ့တဖွဲ့တည်း ကျပါစေသာ ဆုတောင်း သိလား ငါပါတဲ့အဖွဲ့ ဒီနှစ်တော့ ပထမရမှာသိလား။”

ဟုတ်ပ ဘာလိုလိုနဲ့ သင်္ကြန်ရောက်တော့မည်။ သင်္ကြန်ဆို ကျေးတို့က ရေမပက်ပါ။ ဘုရားကျောင်း မှာ ကျေးတို့ကို ကမ့်သွင်းသည်။ ခရစ်ယာန် လူငယ်တော်တော်များများ သင်္ကြန်ကိုမဆော့ကြ။ ဘုရားကျောင်း တွင် အဲ့အချိန်ဆို အနယ်နယ်အရပ်ရပ်က လူငယ်များသင်တန်းလာတက်ကြသည်။

အကြိုနေ့မှစ၍ အတက်နေ့ညအထိ။ ဘုရားကျောင်းမှာပဲ အိပ်ရသည်။ အိပ်တာကတော့ ယောက်ျားလေးများက တဆောင်၊ မိန်းခလေးများက တဆောင်၊ ကျန်တဲ့အချိန်တော့ ယောက်ျားလေး မိန်းခလေးပေါင်းပြီး အသင်းသုံးသင်းခွဲထားပေးသည်။ ထိုအသင်းအလိုက် အမှတ်တွေကို တိုးသင့်ရင်တိုးပေးသည်။ အမှတ်လျှော့သည်က ပိုများသည်။

ထောင့်စုံမှ ဆရာများက အမှတ်လျှော့ဖို့သာ စောင့်နေသည်။ ရောက်ကတည်းက တာဝန်တွေကို အသင်းတိုင်းကို နေ့အလိုက် အချိန်အလိုက် ပေးထားပြီးသားဖြစ်သည်။ ကျေးတို့တော်တော်ပျော် ကြသည်။ တော်တော်လည်းပင်ပန်းသည်။ ပင်ပန်းသည်ဆို အမှတ်လျှော့မှာကြောက်ကြသည်။

တဖွဲ့က ၀တ်ပြုထမင်းပြင်ဆိုလျှင်၊ ကျန်တဖွဲ့က ပန်းကန်ဆေး( ပြီးလျှင် စနစ်တကျစီရသည်)၊ နောက်တဖွဲ့က သန့်ရှင်းရေး၊ အိမ် သာကအစတိုက်ရသည်။ အဖွဲ့သားအားလုံး စည်းစည်းလုံးလုံးနဲ့ တာဝန်ကိုယူရသည်။ ကိုယ့်တာဝန် ကိုယ်လုပ်ယုံနဲ့မပြီးသေးဘူး မြန်မြန်လုပ်ရသည်။

ဘာဖြစ်လို့လည်းဆိုတော့ ညအတွက်ဖြစ်သည်။ ညဆိုလျှင် ခြောက်နာရီမှ ကိုးနာရီထိ ပြိုင်ပွဲရှိ သည်။ အကြိုနေ့ဆိုလျှင် ကျပန်း၊ အကျနေ့ဆိုလျှင် စွမ်းရည်ပြိုင်ပွဲ( ရှိသမျှ စွမ်းရည် အစွမ်းကုန်ထုတ်ရသည်။ အဲ့အချိန်ထက်ထက်မိုးဦးဖြစ်သူဖြစ်၊ ကျော်ဟိန်းဖြစ်သူဖြစ် နှင့်၊ပျော်ဖို့ကောင်းလှသည်။)

အကြတ်နေ့ဆိုလျှင် သီချင်းဆိုပြိုင်ပွဲ( နုတ်နဲ့ တိတိကျကျကို ပြိုင်ရသည်)၊ အတက်နေ့ဆိုလျှင်တော့ ပြဇာတ် (ဇာတ်လမ်းတိုပေါ့)အကယ်ဒမီပါပေးသည်။ပြိုင်ပွဲချိန်မှာ တဖွဲ့ကို ၂၅မိနစ်သာ။ အတက်နေ့တွင် အကယ်ဒမီပေးပြီးသည်နှင့် သင်တန်းဆင်းပွဲပါ တခါတည်းလုပ်သည်။ ဆုတွေလည်းရကြသည်။

နေ့ခင်းဆိုလျှင် ကျမ်းစာသင်ရသည်။ မေးသည်။ အိပ်လည်းမငိုက်ရဲ အဖွဲ့ အမှတ်လျှော့မည်ဆိုး၍တယောက်ကိုတယောက် မျက်စိဒေါက်ထောက်ကြည့်နေရသည်။

အားကစားချိန်တွင်လည်း ထိုနည်း၎င်းပင် တယောက်ကိုတယောက် မရှက်အား အမှတ်လျှော့မည်ကိုတော့ လူတိုင်းက ကြောက်ကြသည်။

ထိုအမှတ်အတွက် သင်တန်းတပတ်လုံး အားလုံးမနားနိုင်ကြ မအိပ်နိုင်ကြ ကြိုးစားကြသည်။ အဲ့လိုမအိပ်၍ ကျေးတို့ ဆရာတွေပါ မအိပ်နိုင် ညသန်း ကောင်ထပြီး သံချပ်တိုက်သူကတိုက်၊ သန့်ရှင်းရေး အဖွဲ့ကလည်း မနက်၂နာရီထပြီး အိမ်သာသန့်ရှင်းရေး လုပ်သူကလုပ်နှင့် ကျေးတို့ဆရာက စည်းကမ်းထပ်တိုးသည်။ မအိပ်သည့် အဖွဲ့ အမှတ်လျှော့မည်ဟု ဆိုသည်။

လူတိုင်း သင်္ကြန်ဆို ပျော်ကြသည်။ ကျေးတို့လည်းပျော်သည်။ ပျော်ပုံချင်းတော့မတူ။ ကျေးတို့ ရင်ခုန် ပုံကတစ်မျိုး။ ဒါကြောင့် ကျေးအိမ်ကပြောနေကျ မသွားခင်တပတ်နားညီးသည်။ ပြန်လာလျှင်တပတ်နားညီးသည်တဲ့ သင်္ကြန်တပတ်သာ နားအေးသည်တဲ့။

ဟုတ်တော့ဟုတ်သည် ကျေးတို့မသွားခင်ကျတော့ ရောက်တော့မည့် သင်တန်းအကြောင်းကို ကြိုစိတ်ကူးယဉ်၊ ပြင်ဆင်တာနဲ့ ဆူညံ့နေသည်။ ပြန်လာသည့်တပတ်တွင်လည်း သင်တန်းအကြောင်း သူငယ်ချင်းများအကြောင်း ပြောမဆုံးပေါင် တောသုံးတောင် ပြောလွန်း၍ အိမ်ကနားညီးမည်ဆိုလည်း နားညီးချင်စရာ။ ဖြစ်နိုင်ပါသည်။

အခုသီဟတယောက် သင်တန်းအတွက် ပြင်ဆင်ထားသည်ဆိုတော့မှ ကျေးလည်း သတိယတော့သည်။ ပြုံးမိသည်။

“ ဟဲ့ ဒေါ်ရွှေကျေးမွန် ဘာတွေဒီလောက် ပြုံးနေရတာလည်းဟ ငါပြောနေတာမကြားဘူးလား။”

“ နင်ကလည်း နင်ကသင်တန်းအကြောင်းပြောတော့ ငါလည်း သတိယသွားတာပေါ့။ စွမ်းရည်ပြိုင် ပွဲအတွက် ကြော်ငြာတွေကြည့်ရအောင်လေ။ နင်သာငါနဲ့ကျပါစေဆုတောင်း သိတယ်နော်။ မိကျေးတို့က ဘယ်လိုတော်တယ်ဆိုတာ”

“ ကိုယ့်ကိုကိုပဲ မြှောက်နေ နင်သာဆုတောင်း ငါပြန်တော့မယ်ဟယ်နော် မနက်ငါ နင့်အတွက် သကြားသီးကောက်ထားမယ်နော်။ သကြားသီးတွေကြွေနေပြီဟ။ အခုတော့ငါပြန်တော့မယ် နင်နဲ့လေရှည်နေတာ။ မေမေက နင်သိတဲ့အတိုင်းပဲ။ တရားခံစစ်စစ်နေဦးမယ် နည်းနည်းနောက်ကျတာနဲ့။” ဟုတ်သည် သီဟမိဘများက အရမ်းစည်းကမ်းကြီးသည်။

ဘယ်ပစ္စည်းမဆို ယူလျှင် ယူသည့်နေရာ ပြန်ထားရသည်။ ဒီအချိန်ပြန်နေကျ ပြန်မှကြိုက်သည်။ ဘာထူးလည်းသူပဲမဟုတ် ကျေးလည်းအတူတူပါ။ ကျေးတို့မိသားစုလည်း အရမ်းကို စည်းကမ်း ကြီးသည်။ ဒါပေမယ့် သူ့မိဘတွေလောက်တော့ မဆိုး။

“ ဟယ် သကြားသီး ကြွေပြီပေါ့လေ။ ဒီတခါတော့နင်တော်သွားပြီ နင်သေရင်သတိယပါ့မယ်ဟာ သကြားသီးကောက်ပေးတာလေးကို … နင်ပြန်မယ်ဆိုပြန်တော့လေ တော်ကြာ အန်တီလွင် နင့်ကိုဆူနေဦးမယ်။ နင့်ကိုဆူမှာစိုးလို့တော့မဟုတ်ဘူး ငါပါအစစ်ပါနေမှာစိုးလို့။”

ကျေးကသကြားသီးအရမ်းကြိုက်သည်။ သီဟတို့ တဘက်ခြံတွင် သကြားသီးပင် အကြီးကြီး ရှိသည်။ တော်တော်ကိုကြီးသော အပင်ဖြစ်သည်။ ထိုအပင်မှ အသီးများကြွေလျှင် သီဟတို့ ခြံထဲ တွင် ကောက်မကုန်နိုင် စောစောကြွေသော သကြားသီးများမှာ အလွန်မှ လတ်ဆတ်လှသည်။ သီဟက ကျေးအတွက် အမြဲကောက်ပေးသည်။

သီဟနဲ့ကျေးဆိုတာက ငယ်ငယ်ကတည်းက တယောက်ကိုတယောက် အရမ်းကိုခင်ကြတဲ့ သူငယ်ချင်းတွေ၊ ချစ်လည်းချစ်ကြသည်။ သီဟတို့အမေနဲ့ ကျေးတို့ဦးလေးကလည်း ကျေးနဲ့သီဟ ခင်သလို ငယ်သူငယ်ချင်းတွေ အဲ့တော့ သီဟတို့အိမ်သွားလျှင်လည်း မိသားစုဝင်လိုဖြစ်သည်။ ကျေးတို့အိမ်လာလျှင်လည်း အတူတူပင်။

သို့နှင့် သင်တန်းကြီးစတော့သည်။ ကျေးတို့တော်တော်ပင် ပျော်ကြသည်။ ကျေးနှင့် သီဟတဖွဲ့တည်းတော့မကျ ဘာလို့လည်းဆိုတော့ ဘုရားကျောင်းမှ ဆရာ၊ ဆရာမများက ကျေးနှင့်သီဟကိုတဖွဲ့တည်းမထား နှစ်ယောက်သားတွေ့လျှင် ပြောစရာစကားမကုန်နိုင်။ ဘာတွေပြောမှန်းမသိ ငြင်းခုန်နေသည်ကများသည်။

သင်တန်းပြီးတော့လည်း သူငယ်ချင်းများနှင့် ခွဲရမည်ဆို၍ကျေးတို့ မျက်ရည်လေးတစမ်းစမ်းနှင့်။ သီဟကတော့ ဒိုင်ယာရီစာအုပ်တအုပ်နှင့် ဘာတွေအလုပ်ရှုပ်သည်မသိ အော်တိုတွေရေးခိုင်း ရှုပ်ယှက်ကိုခတ်နေတော့သည်။ ဘာပဲဖြစ်ဖြစ်ပျော်ကြသည် ၀မ်းနည်းကြသည်။

နှစ်တိုင်း ချစ်သူများနေ့ရောက်လျှင်လည်း ကျေးနဲ့ သီဟ ချစ်သူများနေ့ဆိုတာဘာမှန်းမသိ သူများချောကလတ်စားသည်ဆို၍ နှစ်ယောက်သား သကြားလုံးတထုတ်ဝယ်၍ ထိုင်စားကြသည်။ ၀က်သားတုတ်ထိုးဝယ်၍ ထိုင်စားကြသည်။ ဆိုင်မှာတော့စားလို့မရ သီဟတို့အိမ်ကလည်းမကြိုက် ကျေးတို့အိမ်ကလည်း မကြိုက် ထို့အတွက် နှစ်ယောက်သား ၀ယ်ပြီး သီဟတို့အိမ်က သနပ်ခါးပင်အောက်တွင် ခိုးစားကြရသည်။

တက္ကသိုလ်စတတ်မည့်နှစ် ချစ်သူများနေ့တွင် မထင်မှတ်ပဲ သီဟ ကျေးကိုရည်းစားစကားပြောတော့ သည်။ ကျေးမမျှော်လင့်ထားပါ။ ဘာပြောရမှန်းမသိ ကျေးကြောင်အန်းနေတော့သည်။ သီဟကိုသံယောဇဉ်ရှိတာတော့မှန်သည်။ ဒါပေမယ့် ကျေးအဲ့ဒါမျိုးမစဉ်းစားခဲ့ဖူးပေ။ ဒါနဲ့ သူအတင်းမေးတော့ ကျေးက “ နင့်ကို ငါအရမ်းမုန်းတယ် သီဟ” လို့ ဖြေလိုက်သည်။

ကျေးပြောပြီးမှအံ့သြသွားသည်။ အဲ့အချိန် သူစိတ်ထိခိုက်သွားမယ်လို့တွေးမိတုန်း “ ဟေး နင်တကယ်ပြောတာနော်”တဲ့ ကျေးပြောတာ မုန်းတယ်ပြောတာ သူဘာလို့ပျော်နေတာပါလိမ့်ပေါ့။ ထတောင်ခုန်လိုက်သေးသည်။ ပြီးမှ

“အခုမှ ပီမိုးနင်းဖတ်ရကျိုးနပ်တော့တယ် ဆရာကြီးပီမိုးနင်းကပြောတယ်။ မုန်းတယ်ပြောတာ ချစ်လို့တဲ့ ပြီးတော့ နင်က ရိုးရိုးမုန်းတာမဟုတ်ဘူး အရမ်းမုန်းတာ ဟဟ နင်ငါ့ကိုအရမ်းချစ်တာ ငါသိသွားပြီ နင်ဘာပြောပြော ပြဿနာမရှိဘူး ကဲငါပြန်တော့မယ်။ မေမေဆူနေဦးမယ် ကျေးရေ ကျေးဇူး”

ကျေးဘာပြောရမှန်းမသိအောင်ကို ဖြစ်သွားတော့တယ်။ “ကောင်စုတ် နောက်နေ့တော့တွေ့ပြီသာ မှတ်” ကျေးရင်ထဲမှာလည်း တမျိုးတော့ဖြစ်သွားတယ်။ အဲ့လိုနဲ့ သူကတော့ ချစ်တယ်ဆိုတဲ့ အဖြေကို သူ့သဘောနဲ့သူ ယူသွားသည်။

နောက်နေ့များတွင် ကျေးရော သူရော ဘာမှမပြောဖြစ်။ အရင်တိုင်းသာ တွဲသွားတွဲလာဖြစ်သည်။ ဒါနဲ့ တနေ့ ကျေးတို့နှစ်ယောက်ဝေးဖို့ဖြစ်လာတော့သည်။ “ အန်တီ သီဟရှိလား” “ ရှိတယ်သမီး”
“ ဟဲ့ သီဟ ငါနင့်ကိုပြောစရာရှိလို့ နင်ခြံထဲခဏလာခဲ့ဦး”
“ နင်ငါ့ကိုချစ်တယ်ပြောမလို့ဟုတ် ငါသိတာပေါ့”
“နင်ကတမှောက် ငါ ငါ့အဖေရှိတဲ့ နိုင်ငံကို သွားရတော့မယ်။ တနေ့သွားရမယ်ဆိုတာ ငါသိတယ် ငါ့အဖွားပြောထားလို့လေ ဒါပေမယ့် နင့်ကိုမပြောဖြစ်ဘူးဟာ နင်စိတ်ထိခိုက်မှာစိုးလို့”
“ နင်ဘယ်တော့သွားမှာလည်း”
“ ငါတနင်္ဂနွေနေ့ သွားရမယ် အိမ်ကအားလုံးစီစဉ်ပြီးပြီဟ ငါနင့်ကိုလာပြောတာ အဲ့ဒါ”
သီဟတယောက် ကျေးတို့ဆော့နေကျ မြက်ခင်းပြင်ပေါ်တွင် ပိုးလိုးပက်လက်ကို ဖြစ်သွားတော့သည်။ နှစ်ယောက်လုံး အချိန်တော်တော်ကြာကြာ စကားမပြောဖြစ်။ ကျေးလည်းဘာမှမပြောတတ်တော့။ သူက သီချင်းအော်ဆိုတော့သည် “ တို့ဝေးမယ့်အကြောင်း တွေမရှိခဲ့ ယုံကြည့်နေရင်းနဲ့ အဝေးဝေးပြီဟေ့…..” သူအော်ဆိုလိုက်ခါမှ ကျေးမျက်ရည်ပါ ကျချင်သည်။ မနည်းကိုထိန်းထားရသည်။ ပြီးတော့ သူကပြောလိုက်သေးသည်။

“ နင့်တက်လမ်းဖြစ်တဲ့အတွက် ငါမတားတော့ပါဘူး ဒါပေမယ့် ငါနင့်ကိုလိုက်ရှာမယ် အဲ့ဒါနင်မမေ့နဲ့ နင်မေ့ရင် ငါနင့်ကိုစိတ်ဆိုးမှာ ဖေဖေက ငါ့ကိုကျောင်းပြီးရင် သူလိုက်ခဲ့တဲ့ သင်္ဘောကုမဏ္ဏီမှာ ငါ့ကိုလိုက်ခိုင်းမယ်ပြောတာ ငါနင်နဲ့မခွဲနိုင်လို့ မလိုက်ချင်ဘူးပြောထားတာ အခုတော့ ငါလိုက်မယ် ဟာ ငါနင့်ကိုတွေ့အောင်ကိုရှာမယ်။ နင်သာငါ့ကိုမမေ့စေနဲ့”

“ နင်ကလည်းဟယ် ငါကမေ့စရာလား ငါတို့ဘတ်စ်ကတ်ဘောပုတ်ရအောင်ဟာ အမှတ်တရပေါ့ မပုတ်ရတာကြာပြီနော်။ “

“ အေး ငါ့ကိုနင်မမေ့ရဘူးနော်။ ပြီးတော့ နင်မနက်ဖြန် ကွင်းထဲက ကျောက်တိုင်ကိုလာခဲ့။ ညနေလေ သိလား။” ကျောက်တိုင်ကတော့ သူတို့အိမ်နဲ့ ကျေးတို့အိမ်ရဲ့ ခလယ်ဗဟိုပါ။ ဘောလုံးကွင်းထဲက အာဇာနည်ကျောက်တိုင်ကြီးပေါ့။ ဒါနဲ့ကျေးနဲ့သူ ကစားပြီး ကျေးလည်းပြန်လာ သည်။

နောက်နေ့ ကျောက်တိုင်မှာ သီဟတယောက် အရင်ရောက်နှင့်နေတယ်။ “ ကျေးရော့ ဒါနင့်အ တွက် နင်နဲ့ငါနဲ့ လက်စွတ်တယောက်တကွင်း နင်မချွတ်ပစ်နဲ့နော် ငါသစ္စာဆိုပြီးမှပေးတာ ဘယ်တော့မှပျောက်မှာမဟုတ်ဘူး အဲ့ဒါ ပျောက်သွားရင်တောင် နင်ငါ့ကိုမမေ့နဲ့နော် သိလား ပြီးတော့ နင်ကဘယ်တော့မှနှုတ်ခမ်းနီမဆိုးလို့ နှုတ်ခမ်းနီဖျော့ဖျော့လေး နင်ဆိုးချင်စိတ်ပေါက်တဲ့ နေ့ ဆိုးပေါ့။ ပြီးတော့ ဆံပင်အရှည်ထားမယ်ဆိုလို့ ဘီးအဖြူနော် နင်အဖြူကြိုက်လို့ သိလား”

ကျေးတယောက် ဘာလုပ်ရမလည်း မျက်ရည်တွေက ဘယ်လိုကျလာမှန်းမသိဘူး သူ့အတွက် ယူလာတဲ့ ကချင်လွယ်အိတ် အနီကလေးကိုပဲထုတ်ပေးပြီးတော့ “ နင်စာမေးပွဲဖြေရင် လွယ်ချင် တယ်ပြောလို့ ငါဝယ်ထားတာ နင်နဲ့ဆင်တူလေ နင့်ကိုအံ့သြအောင် မဖြေခင်တရက်မှ ပေးမလို့။ ဒါပေမယ့် အခုပဲယူလိုက်ပါတော့ စာမေးပွဲဖြေခါနီး ငါမှမရှိတော့တာ ပြီးတော့ ငါနင့်ကိုမခွဲချင် ဘူး

နင်လာမယ့်နေ့ကိုငါစောင့်နေမယ်။ ဒါမှမဟုတ် ငါပြန်လာလို့ရရင်ပြန်လာခဲ့မယ် ချက်ချင်းတော့ ပြန်လာလို့ရမှာမဟုတ်ဘူးနော်။ ဒါပေမယ့် ငါကြိုးစားမှာပါ။ ငါတို့နှစ်ယောက် ငယ်ငယ်ကတည်းက လုပ်ချင်တဲ့ မိဘမဲ့ဂေဟာကို ငါတို့တနေ့လုပ်ကြတာပေါ့။ နင်လည်းကြိုးစားနော်။ နင်ကြားချင်တဲ့ စကားလေး ငါပြန်ပြောခဲ့မယ်နော်။ ငါနင့်ကို အရမ်းမုန်းတယ်။”

“အေးပါ ငါကြိုးစားမှာပါ။ နင်လည်းကြိုးစားနော်။ နင်ဟိုရောက်ရင် ကျန်းမာရေးဂရုစိုက်နော်။ နင်တနင်္ဂနွေ သွားရင်ငါလိုက်ပို့မယ်နော်သိလား၊ နင်မရှိရင် ငါအိပ်ပျော်ပါ့မလားမသိဘူး။ အားလုံးကလွမ်းစရာတွေချည်းပဲ၊ မနေ့ညကလည်း ငါတညလုံးအိပ်မပျော်ဘူးဟာ”

“ငါနားလည်ပါတယ် ဘာပဲဖြစ်ဖြစ် အကောင်းဆုံးတော့ကြိုးစားကြတာပေါ့၊ ကဲငါပြန်တော့မယ် ပစ္စည်းတွေထည့်ရဦးမယ် မနက်ဖြန်ဆိုတော့အချိန်မရှိတော့ဘူး ဘုရားကျောင်းလည်း တချက်သွားဦးမယ်လေ။ နင်တော့မလိုက်ပါနဲ့တော့ ကဲငါပြန်ပြီနော်”

“အေးထားခဲ့တဲ့သူနဲ့ ကျန်ခဲ့တဲ့သူ ကျန်ခဲ့တဲ့သူက ပိုခံစားရတယ်တဲ့ ငါထင်တာ နင်ငါ့ကိုဘယ် တော့မှမထားခဲ့ဘူးလို့လေ ငါနင့်ကိုမထားခဲ့ဘူးလို့ ဆုံးဖြတ်ထားတာ နင်ခံစားရမှာစိုးလို့ ငါပျော်ပါတယ် နင့်ဘ၀တက်လမ်းအတွက်ဆိုတော့ နင်ကြိုးစားနော် အေးနင်သွားတော့လေ ငါနင့်ကိုကြည့်နေမယ်”

ကျေးတယောက် စက်ဘီးစီးပြီးဘုရားကျောင်းကိုဆက်သွားခဲ့သည်။ နောက်တော့ ဆရာတော် တွေက ဆုတောင်းကောင်းချီးပေးသည်။ ကျေးတနေ့နေ့ ဒီလိုထွက်လာရမှာသိပေမယ့် တကယ်ထွက်လာရတော့ ကျေးခံစားရသည်။

ဒုတိယပိုင်းမျှော်နော်....

ပထမဆုံးရေးတဲ့ ဖြစ်ရပ်မှန် ၀တ္ထုတိုလေးပါ ဆားတို့အချိုမှုန့်တို့လိုရင်လည်း ကိုယ့်ဟာကိုသာ လိုသလိုထပ်ဖြည့်ထည့်ပြီး ဖတ်ပေးကြပါနော်။ အဟိမေတ္တာရပ်ခံတာ။ ကြိုးစားပါဦးမည်။ ပျော်ရွှင်ပါစေ။
ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

ဒီနေ့ဘာနေ့လည်း

မင်္ဂလာပါရှင် ဒီနေ့တော့ ဘာနေ့လည်းဆိုတော့ ပါးလုံးလောကကြီးကို ပထမဆုံးရောက်တဲ့နေ့ပေါ့ အားလုံးပဲ စားကြနော် အားမနာနဲ့ ပါးလုံးက Google စားတော်ဆက်က သေသေချာချာ အော်ဒါမှာထားတာ။ အကြိုက်သာစားသွားနော် အစဉ်မပြေတာရှိရင်လည်းပြောနော်။ ထွက်ပြေးရအောင်။ အဟိ စတာ။ အ၀စားနော် မစားရင်စိတ်ဆိုးမှာ ပျော်ရွှင်ကြပါစေ ဆုလည်းတောင်းခဲ့ပေးနော်။

















Type your summary here.
ချစ်ပါလုံး
<ပြီးပါပြီ>

ဆက်ဖတ်ရန်...

ပြန်သိမ်းပေးရန်...

ဘာလည်းဟဲ့ ရိုးရာ

ပါးလုံးလည်း ကိုယ့်ခံစားချက်လေးတွေကို တင်မယ်တင်မယ်နဲ့ မအားတာရော စိတ်လေနေတာရောကြောင့် မတင်ဖြစ်ဘူး။ အခုတလော စိတ်တွေကလည်းလေ ဘာမှလည်းမလုပ်ချင် နေရထိုင်ရတာက အသားမကျနဲ့ နည်းနည်းကသိ ကအောက်ဖြစ်တယ်ဆိုပါတော့။ အဲ့လိုအစဉ်မပြေတာလေးတွေ များလာလို့ ပါးလုံးရဲ့ စကားနိုင်လုဖတ်လေးရော အစဉ်ပြေရဲ့လားလို့သတိယမိတယ်။
ပါးလုံးတို့ Brattvåg မြို့မှာ ဗမာစကားပြောစရာဆိုလို့ ပါးလုံးတို့နဲ့ သူတို့မိသားစုပဲရှိတယ်။ သြော် Brattvåg ဆိုတာကတော့ နော်ဝေနိုင်ငံရဲ့ မြို့လေးတမြို့ပါ။ သူတို့အိမ်နဲ့ ပါးလုံးတို့အိမ်က တနာရီလောက်လမ်းလျှောက်ရတယ်။ သူက အသက်ကခြောက်နှစ် နာမည်က ချစ်စုမတဲ့ စကားကလည်းတတ်လိုက်တာမပြောနဲ့ ပါးလုံးလောက်စကားများတဲ့သူတောင် သူ့ကိုအနိုင်နိုင်လုပြောရတယ်။


အဲ့ဒါနဲ့ အခုနက စကားလေးဆက်ပြောပါဦးမယ်။ သူ့ရော အစဉ်ပြေရဲ့လားပေါ့။ သူကလည်း သူ့ကျောင်းနဲ့သူ ပါးလုံးကလည်း ပါးလုံးကျောင်းနဲ့ နှစ်ယောက်သားမအားကြ၊ အိမ်ကလည်းဝေးတော့ စကားနိုင်လည်းမလုအားကြဘူးလေ။ သူ့အမေတွေ့လို့ မေးတော့ သူရောအစဉ်ပြေလားပေါ့ အဲ့ဒါသူ့အမေကပြောပြတယ်။ ချစ်စုမ ခံစားနေရတဲ့ပြဿနာကိုပေါ့။
အဲ့ညနေက သူက ကျောင်းကပြန်ရောက်တာနဲ့ သူ ထမင်းစားမယ်ဆိုတော့ သူ့အဖေက ထမင်းခူးပေးတာပေါ့ အဲ့တော့ သူကသူ့အဖေကို ပြောတယ် “ဖေဖေရယ် ရိုးရာဇွန်းလေးနဲ့ ပေးပါ” တဲ့ အဲ့ဒါနဲ့ သူ့အဖေလည်း ဘာပြောရမှန်းမသိဖြစ်နေတယ်။ သူပြောတဲ့ ရိုးရာဇွန်းဆိုတာက တော့ ပါးလုံးတို့ မြန်မာနိုင်ငံမှာက ဇီးဘရားဇွန်းအတိုတွေသုံးတယ်။ ဒီနိုင်ငံမှာက ဇွန်းအရှည်တွေကိုသုံးတယ် သူကအဲ့ဒါကိုရည်ညွှန်းနေတာလေ။ ပြီးတော့ပြောလိုက်သေးတယ် “မေမေရယ် သမီးတော့ ဒီကဇွန်းတွေကိုမသုံးတတ်ပါဘူး၊ ရိုးရာဇွန်းလေးနဲ့ စားမှ ထမင်းစားရကောင်းတာ” ဆိုပဲ။
အဲ့ဒါနဲ့ သူ့အမေနဲ့ အဖေကရယ်မယ်တောင် မကြံသေးဘူး သူကဆက်ပြောလိုက်သေးတယ်။ “မေမေရယ် သမီးဒီမှာနေရတာ အစဉ်မပြေဆုံးကတော့ ရိုးရာအိမ်သာလေးမတက်ရတာကိုပဲ”တဲ့။ ရိုးရာအိမ်သာဆိုတာကတော့ ပါးလုံးတို့ဒီဘက်မှာက ဘိုထိုင်အိမ်သာတွေကို သူကတက်ချင်ပုံမပေါ်ဘူး။ နောက်ဆုံးတော့မှ သူ့အဖေနဲ့ အမေလည်း ရယ်ပဲရယ်ရမလား ငိုပဲငိုရမလားမသိအောင်ဖြစ်သွားတော့တယ်။အဲ့ဒါနဲ့ သူ့အဖေက “ချစ်စုမရယ် နင့်မှာလည်း တယောက်တည်းနဲ့ကို ရိုးရာတွေနဲ့ ရှုပ်နေတာပဲ” ဆိုတော့ ” ဖေဖေရယ် အားလုံးက ရိုးရာပဲအစဉ်ပြေပါတယ်” တဲ့။
အဲ့ဒါနဲ့ပါးလုံးနဲ့ အဖေ့ကိုပြန်ပြောပြတော့ အဖေလည်း အဲ့ရိုးရာ ရောဂါထလာပါလေရော။ အိမ်ရောက်တာနဲ့ ချစ်စုမပြောတာမှန်တယ်ဆိုပဲ။ ရိုးရာဇွန်းနဲ့ပဲစားချင်တယ်တဲ့။ ရိုးရာအိမ်သာပဲတက်ချင်တယ်တဲ့တော်။ တခုခုဆို ရိုးရာ၊ ရိုးရာနဲ့ ဒီမိသားစုနှစ်စုမှာ အဲ့စကားက တော်တော်လေးခေတ်စားသွားတယ်။ သြော် ရိုးရာ၊ ရိုးရာ…. ဘာလည်းဟဲ့ ရိုးရာ။
ပါးလုံးတို့ ရောက်စက အဖေနဲ့ ချစ်စုမတို့ရဲ့ ခံစားချက်လေးတွေကိုရေးထားတာပါ။

ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

အိမ်မက်ထဲက အမေ့အနမ်း

ဒီလ(၁၀)ရက်နေ့ဆိုရင် အမေများနေ့ရောက်ပြီနော်။ ပါးလုံး ဘုရားကျောင်းကိုသတိယတယ်။ ပါးလုံးတို့ ဘုရားကျောင်းမှာ အမေများနေ့ဆိုရင် အမေတွေအားလုံးကို ဘုရားကျောင်းမှာ ဂုဏ်ပြုတယ်။ လက်ဆောင်ပေးတယ်။ အသင်းတော်ကြီးအနေနဲ့ပေါ့။ ပြီးတော့ ပါးလုံးတို့ သားသမီးတိုင်းက မိဘတွေအတွက် လက်ဆောင်ကို အမေတွေမသိအောင် ကြိုတင်စီစဉ်ထားရတယ်။
အဲ့လိုအချိန်ဆိုရင်လေ ပါးလုံးတို့က ကွာယာခုံကနေ သီချင်းဆိုတယ်။ အမေတွေအတွက် ဂုဏ်ပြုတဲ့သီချင်းပေါ့။ ပလ္လင်ရှေ့မှာ မိခင်တွေရဲ့ ခြေထောက်ကို ဆေးပေးဖို့ ဇလားအသေးလေးတွေ ချထားတယ်။ ပြီးတော့ လက်သုတ်ပုဝါလေးပေါ့။ အဲ့လိုသီချင်းဆိုနေတဲ့အချိန်မှာ ကိုယ့်မိခင်ကို ကိုယ်က အဲ့ရေဇလားလေးနဲ့ ခြေသွားဆေးပေးကြတယ်။ပြီးတော့သုတ်ပေးတယ်။ ပြီးတော့ လက်ဆောင်တွေပေးကြတယ်။ နမ်းကြတယ်။
လူတိုင်းမျက်ရည်မကျပဲမနေနိုင်ဘူးလေ။ သီချင်းကလည်း တော်တော်ကိုကောင်းတယ်။ စာသားရော သံဇဉ်ပါပေါ့။ အဲ့လိုအချိန်ဆို ပါးလုံးတော်တော်ခံစား၇တယ်။ ငယ်ငယ်ကတည်းက ပါးလုံးက မိဘနဲ့မနေခဲ့ရဘူးလေ။ အဒေါ်တွေအဖွားတွေက အရမ်းကိုကောင်းပါတယ်။ မိဘတွေထက်တောင်ကောင်းတယ်။ ဒါပေမယ့် အမေလို့တော့ ခေါ်မရဘူးလေ။ အမေများနေ့ဆို ပါးလုံးကတော့ ပါးလုံးအဖွားကို သွားပေးတယ်လက်ဆောင်။


ပါးလုံးမှာ အဖွားကလွဲပြီး အားကိုးတိုင်ပင်ဖူးတာ မရှိခဲ့ပါဘူး။ အမေရဲ့ မေတ္တာတရားကို မရခဲ့ဖူးလို့ ပါးလုံး အမေဆိုတဲ့ ခံစားချက်ကိုမခံစားခဲ့ဖူးပါဘူး။ ဒါပေမယ့် အရမ်းကိုလိုချင်ခဲ့ဖူးတယ်။ ဘာဖြစ်လို့လည်းဆိုတော့ ငယ်ငယ်ကတည်းက သူငယ်ချင်းတွေက ငါ့အမေကလေ ငါ့အမေကလေ ဆိုတာကို သူတို့လိုလိုက်ပြောချင်တယ်။ အရမ်းအားကျတယ်။ သူတို့အမေတွေလိမ်းပေးတဲ့သနပ်ခါးက လှတဲ့အကြောင်း၊ သူတို့အမေတွေက ဆူတဲ့အကြောင်း၊ သူတို့ပြောသမျှဟာ အမေမပါရင်မပြီးသလောက်ပဲလေ။ပါးလုံးအရမ်းကိုအားကျမိပါတယ်။
သူများတွေ အမေတွေကိုကိုယ်စီလွမ်းနေကြတော့ ပါးလုံးလည်း လွမ်းချင်လာတယ်။ ဒါပေမယ့် ဘယ်လိုလွမ်းရမလည်းမသိဘူး။ နောက်ဆုံးတော့ ပါးလုံးရဲ့ မေ့မရတဲ့ အိမ်မက်ကလေးကိုပဲ လွမ်းရတော့မှာပေါ့။
အဲ့နေ့က ပါးလုံး ပထမနှစ်စာမေးပွဲဖြေခါနီးပေါ့။ စာတွေကအရမ်းများတယ်။ ဘာသာက ဆယ့်တစ်ဘာသာ။ အဲ့မတိုင်ခင် ၂လလောက်ကတည်းက အိပ်ရေးပျက်နေတာ။ နောက်တော့ စာနဲ့ပါးလုံး ပါးနဲ့စာ အိမ်က အဒေါ်တွေ အဖွားတွေကလည်း သနားကြတယ်။ စာကိုမျက်နှာနဲ့မခွာရလို့လေ။ ဒါပေမယ့် အိပ်တော့လို့တော့ မပြောကြဘူး။ မလုပ်လို့လည်း မရမှမရတာကိုး။
အဲ့အချိန်မှာ အိပ်ချင်မူးတူးပဲ ဖြစ်နေလို့လား မသိဘူး။ အသံတခုကြားတယ်။ မသိစိတ်ကတောင်းတနေတဲ့အသံလည်း ဖြစ်နိုင်ပါတယ်။ သမီးမအိပ်သေးဘူးလားတဲ့။ ပါးလုံးအိပ်တော့လေတဲ့။ ပါးလုံးစိတ်ထဲမှာ အမေကပြောနေသလိုပဲလေ။ အဲ့တော့ စာလုပ်တာကိုခဏရပ်လိုက်တယ်။ မိုးလည်းအရမ်းချုပ်နေပီလေ။ မနက်၂နာရီဆိုတော့ အဲ့အချိန်ကတိတ်ဆိတ်နေတဲ့အချိန်ပေါ့။
အဲ့ဒါနဲ့ ဆွဲလက်စ Drawing ကိုရပ်လိုက်တယ်။ ပြီးတော့ စာအုပ်တွေကို သိမ်းတောင်မသိမ်းတော့ဘူး။ သောက်လက်စကော်ဖီကိုလည်း ထားခဲ့လိုက်တယ်။ အိပ်ရင်မဖြစ်မှန်းသိတယ်။ သတ်မှတ်ထားတဲ့ စာမပြီးပဲလည်း အိပ်မပျော်တာက ပါးလုံးအကျင့်ကိုး။ အဲ့နေ့တော့ အလိုလိုနေရင်းကို အိပ်ယာပေါ်ကို ရောက်သွားတယ်။
နောက်တော့ ပါးလုံးအိပ်တာ ဘာမှမတွေးပဲ အိပ်ပျော်သွားတယ်။အဲ့လို မိခင်ကပြောတာကို နားထောင်ကြည့်ချင်တာနဲ့ အိပ်လိုက်တာလည်းဖြစ်နိုင်တယ်။ ဒါနဲ့ အိမ်မက်မက်တယ်။ အဲ့အိမ်မက်ကတော့ ဘယ်တော့မှ မမေ့နိုင်တဲ့ အိမ်မက်ပါ။ တခါမှ အနမ်းမခံဖူးတဲ့ အမေ့ရဲ့ အနမ်းကို သမီးရလိုက်တယ်။ အရမ်းကိုအေးမြသလိုပဲ။ ပါးလုံးနားမှာ အမေအိပ်နေတယ်လေ။ ပြီးတော့လှမ်းပြီးတော့နမ်းတယ်။ ပါးလုံးနိုးလာတဲ့အချိန်မှာတော့ ပါးလုံးရဲ့ ပါးမှာမျက်ရည်တွေနဲ့ပါ။
ဘယ်လိုဘယ်လိုကျတယ်မသိဘူး။ အမေလည်းအနားမှာမရှိပါဘူး။ ဒါပေမယ့် အိမ်မက်ထဲက အမေ့အနမ်းကိုတော့ ဒီနေ့အထိ မေ့မရသေးပါဘူး။ နွေးထွေးလတ်ဆတ်ဆဲပါ။ ပါးလုံးကိုအဲ့လိုနမ်းတာ တခါမှမခံခဲ့ရဖူးဘူးလေ။ အဲ့လိုအသံမျိုးကိုလည်း ထပ်ကြားချင်သေးတယ်။ အခုတော့ ဘယ်လောက်မိုးချုပ်အောင်ထိုင်ထိုင် အမေ့ရဲ့အသံကို ပါးလုံးမကြားရတော့ပါဘူး။ အိမ်မက်ထဲကိုလည်း အမေမလာတော့ပါဘူး။ အိမ်မက်ထဲက အမေ့အနမ်းကိုလွမ်းရင်းနဲ့ပဲ……………………………………..
ဒီအောက်က ကဗျာလေးကတော့ ပါးလုံးရဲ့ သူငယ်ချင်းက မိခင်များနေ့မှာ သူ့အမေကို လွမ်းဆွတ်စွာရေးထားတဲ့ ကဗျာလေးတပုဒ်ပါ။ သူနဲ့ထပ်တူခံစားဖို့အတွက် ပါးလုံးဖော်ပြပေးလိုက်ပါတယ်။

အမေသို့
ဒီအချိန်ဆို
အမေသားကိုမျှော်နေရောပေါ့
အမေနဲ့စိတ်မဆိုးပဲအိမ်နဲ့ဝေးခဲ့
သူငယ်ချင်းတွေနဲ့ပျော်မဆုံးခင်
မှာပဲ
လမ်းခွဲနှုတ်ဆက်ခဲ့ရတယ်
ခံစားရခဲ့သမျှ ဒီအလွမ်းက
အထိအနာဆုံးပါ
ကိုယ့် ကံကြမ္မာကိုဖန်တီးချင်ခဲ့တဲ့ကျနော်
ကံကြမ္မာရဲ့ပြန်ဖန်တီးမှုအောက်မှာ
ရှုံးနိမ့်မှုအထပ်ထပ်နဲ့ပေါ့…။ ။
အမြဲလူအဖြစ်လူပီသအောင်
စိတ်ဓါတ်ကြံ့ခိုင် ယဉ်ကျေးအောင်
စိတ်ခွန်အားတွေပေးပြီး
ဂရုနာအပြုံးနဲ့သင်ပေးခဲ့တဲ့အမေ့ကို
သားဘယ်လိုပြန်ပြီး
အမေ့ကျေးဇူပြန်ဆပ်ရပါ့
အမေ့မေတ္တာရိပ်နဲ့ဝေးနေချိန်မှာ
သားလိမ္မာတတ်နေပြီဆိုတာ
အခုနေများ အမေသိခဲ့ရင်
အမေပျော်နေမလားပဲ…။ ။
အမြဲပေကပ်ဘုကန့်လန့်ကျခဲ့ကျနော်ကို
ခွင့်လွှတ့်အပြုံးနဲ့ အမြဲအလိုလိုက်ခဲ့တဲ့အမေ
ဟောဒီကမ္ဘာပေါ်မှာ
ရှိသမျှအရာအားလုံးထပ်
မိဘမေတ္တာဟာ ပိုခမ်းနားတယ်
သိခဲ့တဲ့နေ့ကဆို ရင်ထဲမှာ
အလွမ်းမီးတောက်တွေနဲ့
အမေ့ ကျေးဇူ ကိုဆပ်ခွင့်ကြုံခဲ့ရင်
နောင်ဘဝအထိ ဆပ်ခွင့်ရပါစေလို့
သားဆုတောင်းခဲ့မိတယ်
အမေရယ်…
ဒီအချိန်တွေသာလွန်ရင်တော့
အေးချမ်းတဲ့ အမေ့အိမ်လေးရှိရာ
မိုးသောက်အာရုံနဲ့အတူ
အမေ့အိမ်ကို သားပြန်ခဲ့မယ်…။ ။
Annomous

ဆက်ဖတ်ရန်...

ပြန်သိမ်းပေးရန်...

တော်သေးတာပေါ့ ဘာစကိုဒဂါးမားကယ်ပေလို့

အမှန်က ဘလော့မှာစာအသစ်မတင်သေးဘူးလို့ စဉ်းစားထားတာ။ ရေးချင်တာလေးတွေတော့ရှိပေမယ့် စာများတာရော အလုပ်များနေတာရောကြောင့် ဘလော့ကို မကိုင်သေးဘဲ ထားတာ။ ဘာလို့လည်းဆိုတော့ ကွန်ပျူတာရှေ့ရောက်ပြီးရင် အားလုံးကိုမေ့တတ်တဲ့ ပါးလုံးရဲ့ အကျင့်ကြောင့်ပါ။ အဖေဆို တင်းသလားမမေးနဲ့ ကွန်ပြူတာရှေ့ရောက်ရင် ပါးလုံးတို့ ထမင်းမေ့ ဟင်းမေ့ ဆေးသောက်ဖို့လည်းမေ့။ အားလုံးကိုမေ့တာ။ကွန်ပျူတာရှေ့အထိုင်ကောင်းလို့ အိမ်စာလုပ်ဖို့မေ့ပြီး မနက်မှပြာပြာသလဲ အိမ်စာ ထလုပ်ရတဲ့နေ့တွေလည်း မနည်းတော့ဘူးလေ။ အဲ့ဒါကြောင့် ကွန်ပျူတာကိုရှောင်နိုင်သမျှရှောင်နေတာ။
ဒါပေမယ့် ဒီနေ့တော့ည၂နာရီရှိနေပြီ အိပ်မရတာနဲ့စိတ်တွေလည်း လေးနေတယ်လေ။ စိတ်ထဲမှာ အိမ်ကိုအရမ်းလွမ်းနေတယ်။စာရေးတာက ထွက်ပေါက်လို့ စဉ်းစားမိတယ်လေ။ ပြီးတော့ အိမ်ကိုလွမ်းတိုင်း ဘာစကိုဒဂါးမားကိုလည်း သတိယလို့လေ။ သူ့အကြောင်းစဉ်းစားမိရင် အမြဲပြုံးမိလို့ရေးမယ်ကွာ ဆိုပြီးတော့ရေးဖြစ်တာ။


ဟဲဟဲ သတိယဆို ပါးလုံးရဲ့ကျေးဇူးရှင်လေးမို့လို့ပါ။ အဲ့လိုပြောလို့ သူငယ်ချင်းတို့ကတော့ ထင်ဦးမယ်။ ပါးလုံးတောင်မွေးသေးရဲ့လားလို့လေ။ ဒါပေမယ့် သူကပါးလုံးရဲ့ဘ၀မှာ ဘယ်တော့မှ မေ့မှာမဟုတ်တဲ့သူတယောက်မို့လို့ပါ။ ပါးလုံးက ငယ်ငယ်က အရမ်းဆိုးတယ်။ အိမ်မှာဆို အဖေ့သူငယ်ချင်းတွေက ပါးလုံးကို ဖျံတဲ့ ဖျံတောင်ရိုးရိုးဖျံမဟုတ်ဘူးတဲ့။ ဖျံစုတ်တဲ့။ အဲ့လောက်လည်းမဟုတ်ပါဘူးနော်ဟဲဟဲ။
ငယ်ငယ်ကဆို ပါးလုံးကစာကိုမကျက်ချင်ဘူး။ အမြဲတမ်းပဲ အိမ်မှာ စာသင်မယ်ဟေ့လို့ပြောလို့ကတော့ ပါးလုံးတို့ ဖိနပ်ကိုင်ပြီး ထွက်ပြေးပြီသာမှတ်တော့ ဖိနပ်စီးနေရင် မမှီမှာစိုးလို့လေ။ စာကျက်ဟေ့လို့ပြောရင် ရပြီးသားကိုပဲ ပြန်အော်တာ။ အဲ့ဒါကြောင့် ခြောက်တန်းတုန်းက မှတ်မိသေးတယ်။ မြေခွေးက တွင်းထဲကျသွားတာလေ မြန်မာစာမှာပါတယ်။ အဲ့ဒါက ပုံပြင်လိုဆိုတော့ ခဏလေးရတယ် ပါးလုံးက အဲ့ဒါကိုအရမ်းရတယ်။ အဲ့တော့ ပါးလုံးဘာလုပ်နေလည်း စာကျက်လေလို့ပြောရင် အဲ့ဒါကိုပဲ အော်ဖတ်တာ။
အဲ့တော့ အိမ်ကလူတွေက အလွတ်ရနေပြီလေ။ နောက်တော့ ပါးလုံးရေစာကျက်လို့ပြောရင်း နောက်ဆက်တွဲဆက်ပြောသေးတယ်။ “မြေခွေးတွင်းထဲကျ ဘုတ်ကလက်” ဆိုပြီးတော့လေ။ ပါးလုံးကအဒေါ်အပျိုကြီးတွေနဲ့နေတာဆိုတော့ သူတို့ကအစကလည်းသန်တယ်။ စည်းကမ်းကလည်းကြီးတယ်။ အဒေါ်ကသုံးယောက်တောင်လေ။ သူတို့ကပြောတာပေါ့ သူတို့စရင်တောင် အဲ့ဒါကိုပဲကျက်ချင်တာ အဲ့ဒါပဲရလို့လေ။ဟဲဟဲ။
အိမ်မှာကအဒေါ်တွေက စာစစ်တတ်တဲ့အကျင့်ရှိတယ်။ အနည်းဆုံးတပတ်ကို သုံးခေါက်ပေါ့။ အိမ်စာလုပ်မလုပ် စာကျက်မကျက် စစ်တယ်။ အဲ့တလောက အိမ်ကလူတွေ ကအလုပ်များနေတယ်။ ပါးလုံးကိုလည်း သတိမထားမိဘူး။ အိမ်မှာစာကျက်ဖို့ပြောရတာ ပါးလုံးတယောက်တည်းကို ကျန်တဲ့ညီအမသုံးယောက်က ပြောဖို့မလိုဘူး။ စာကို လုပ်မယ်ဆိုတာကြီးပဲ။ ပါးလုံးကိုဆိုသတိအ၇မ်းထားတယ်။
ငြိမ်နေရင်ကြောက်ရတယ်တဲ့။ သူတို့စာစစ်ပြီဆိုရင် မျက်ရည်နဲ့မျက်ခွက်။ စာမှမကျက်ချင်တာ။ ငယ်ငယ်ကတည်းက သီချင်းဆိုရင်နှစ်ခေါက်နားထောင်တာနဲ့ အလွတ်ရတယ်။ သီချင်းကိုအရမ်းကြိုက်တယ်။ နားထောင်တာရော ဆိုတာရောပေါ။ စာအုပ်တိုင်းမှာ သီချင်းတွေရေးထားတယ်။ မဆိုရရင် ရတဲ့သီချင်းကိုထိုင်ရေးတာလေ။ အဲ့တာနဲ့ စာမေးပွဲဖြေရတော့မယ် ဒုတိယအစမ်းပေါ့။
ခြောက်တန်းမှာ။ အဲ့တော့ ကျန်တဲ့နေ့တွေမှာစာမစစ်ပဲ သမိုင်းဖြေမယ့် ညကျမှ ပါးလုံးအဒေါ်အကြီးဆုံးက စာစစ်တယ်။ သမိုင်းက ကမ္ဘာ့သမိုင်း ပေးထားတာက ခြောက်တန်းနဲ့မလိုက်အောင် အရှည်ကြီးတွေ ရှစ်ပုဒ်ကျက်ခိုင်းထားတယ်။ ဆရာမက အဲ့ထဲကတပုဒ်တဲ့။ အပျင်းကြီးတဲ့ပါးလုံး တပုဒ်မှကို မကျက်တာ။ ဘာစကိုဒဂါးမား အပါအ၀င်ပေါ့။ မှားမှန်လောက်ပဲ ကြည့်ထားတာ။
နောက်တော့ ပါးလုံးအဒေါ်က ဘာတွေကျက်ခိုင်းလည်းတဲ့ ဆရာမက အဲ့တော့မှားမှန်ပါပဲလို့ ညာလို့မရဘူးလေ။ ညာရင်ပိုဆိုးမှာ။ ရှစ်ပုဒ်လုံးကို မပြလို့လည်း မဖြစ်ဘူး စာအုပ်ထဲမှာမှတ်ထားပြီးသား ကျက်ရန်ဆိုပြီး ( ဟီး ကျက်ရန်ဆိုပေမယ့် မကျက်ဘူးလေ) နောက်တော့ တီတီက ကဲမနက်ဖြန်ဖြေဖို့ ဆရာမကျက်ခိုင်းတာကို ဆိုတဲ့။ သူကဆိုခိုင်းရုံမကဘူး အလွတ်ပါရေးခိုင်းတာ သိလား။ အဲ့တော့ ကြက်ကြီးလည်လိမ်ထားသလိုပေါ့။ စာမှမရတာကို။
ဒါပေမယ့် အဒေါ်ကသူစာစစ်တဲ့အချိန်က ညကိုးနာရီထိုးပြီးပြီ ဆယ်နာရီထိုးတော့မယ်။ အဲ့တော့ စာတွေကိုကြည့်လိုက်တော့ အပုဒ်တိုင်းက အနည်းဆုံးလေးမျက်နှာ သူကမမှီတော့ဘူးဆိုတာသိတော့ ပါးလုံးတဲ့ ဒီညတပုဒ်ရအောင်ကျက်တဲ့ မရရင်တော့ နင်မအိပ်ရဘူးမှတ်ဆိုပြီး တုတ်တချောင်းနဲ့ထိုင်စောင့်တယ်။ ကဲဒေါ်ရွှေပါးလုံး ဘာလုပ်ရမလည်း ရှိသမျှဥာဏ်ထုတ်ဟေ့ ဆိုပြီး စဉ်းစားတယ်။
စာတွေကများတော့ ဘယ်ကစကျက်ရမှန်းလည်းမသိဘူး။ အဲ့တော့ အဲရှစ်ပုဒ်ကို မဲလိပ်လုပ်လိုက်တယ်။ ပြီးတော့ ထုံးစံအတိုင်းဆုတောင်းတယ်။ တပုဒ်ကိုမဲနှိုက်လိုက်တယ်။ ဘာစကိုဒဂါးမား ကျတယ်။ သူကအရှည်ဆုံး။ အဲ့တပုဒ်က ရှည်လည်း မတတ်နိုင်ဘူးလေ။ မဲလည်းထပ်မနှိုက်ချင်တော့ဘူး အိပ်လည်းအိပ်ချင်နေပြီဆိုတော့။ အဲ့ဒါကိုပဲ ကျက်ရတော့မှာပေါ့။ အချက်အလက်တွေကိုပဲ မှတ်ပြီး တနာရီလောက်နေတော့ရသွားတယ်။
နောက်တော့တီတီရေ ရပြီဆိုပြီး ဖတ်ပြတော့ ဒီအဒေါ်က အလွတ်ရေးခိုင်းသေးတယ်။ အဲ့ဒါနဲ့ အိပ်တော့ဆိုပြီးပါမစ်ရသွားတယ်။ ပါးလုံးစာမေးပွဲဖြေဖို့သွားတော့ မှားမှန်ရယ် ကွက်လပ်ရယ် ဘာစကိုဒဂါးမားရယ်ပဲ ပါးလုံးဦးနှောက်ထဲမှာပါတယ်။ ကျောင်းရောက်တော့ သူငယ်ချင်းတွေက ဘာစကိုဒဂါးမား တယောက်မှ မကျက်ဘူး။ အဲ့တော့ စိတ်ဓါတ်ကနည်းနည်းကျသွားတယ်။ ဒါပေမယ့် အေးဆေးလေးပဲနေလိုက်တယ်။
စာမေးပွဲခန်းထဲရောက်တော့ အခန်းစောင့်တဲ့ဆရာမက ဘွားဘွားသူငယ်ချင်း။ သူကပါးလုံးကိုကြည့်နေမှာ မဖြေနိုင်ရင်ဒေါ်ဘောက်ခေါန်မြေးကတော့လေ ဆိုပြီး ပြန်တိုင်မှာ အဒေါ်အပျိုကြီးတွေက ရိုက်တာထက်သူတို့ပြောတဲ့ စကားလုံးတွေက နာတယ်။ သိလားအဲ့တော့ ကြောက်တယ်ဗျ။ အိမ်ကအမနဲ့ အဒေါ်တွေ ညီမတွေကတော့ စိတ်ပူကြတယ် ပါးလုံးအတွက်။ ရှစ်ပုဒ်မှာ တပုဒ်ပဲ အတင်းကျက်ခိုင်းလို့ကျက်သွားတာဆိုပြီးတော့လေ။
မေးခွန်းလည်းဝေရော ပျော်လိုက်တာပြောမနေနဲ့။ ပျော်တော့မပေ့ါ။ ဘာစကိုဒဂါးမားပါတာကိုး။ တယောက်မှမဖြေနိုင်ကြဘူး။ အဲ့ဒါနဲ့အိမ်ရောက်ရောက်ချင်း အိမ်ကလူတွေက ၀ိုင်းပြီးတော့ အုံလာတယ်။ ပါးလုံးဖြေနိုင်လား။ အောင်ပါ့မလား။ ပေါ့။ နင်ကျက်ထားတာမပါဘူးမဟုတ်လားနဲ့ ပုရွက်ဆိတ်အုံသလိုပါးလုံးနားမှာ အုံနေကြတယ်။ ပါးလုံးလည်း သူတို့မေးတာများလွန်းလို့ ဘယ်ကစပြောရမှန်းမသိတော့ဘူး။ နောက်ဆုံးမှပဲခပ်တည်တည်နဲ့ ” တော်သေးတာပေါ့ ဘာစကိုဒဂါးမားကယ်ပေလို့” လို့ပြောတော့မှ အားလုံးကရယ်နိုင်ကြတော့တယ်။
အောင်စာရင်းလည်းထွက်ရော ပါးလုံးကအမှတ်အများဆုံး ရှုံးတဲ့သူတွေကတော့ သောက်သောက်လည်း မသိရင်ပါးလုံးကအားလုံးကိုကျက်ထားသလိုပဲ၊ တကယ်ကတော့ ကြက်ကန်းဆန်အိုးတိုးပြီး ဘာစကိုဒဂါးမားကယ်သွားတာပါ။ အဲ့ဒါကြောင့် အိမ်ကိုလွမ်းရင် ဘာစကိုဒဂါးမားကိုပါ သတိယတယ်။ အခုတော့ ဆက်လွမ်းလို့မဖြစ်တော့ဘူး ၃နာရီထိုးတော့မယ်။ မအိပ်ရင်ကျောင်းမှာငိုက်မှာစိုးလို့ ငိုက်ရင် ဘာစကိုဒဂါးမားလည်း ကယ်မှာမဟုတ်ဘူး။ အဲ့တော့ အိပ်တော့မယ်ဗျာနော်။ နောက်မှပဲ ဖျံကျတတ်တဲ့ ပါးလုံးအကြောင်းလေးတွေပြောပြတော့မယ်။ ပျော်ရွှင်ပါစေ။
ချစ်ပါးလုံး

ဆက်ဖတ်ရန်...

ပြန်သိမ်းပေးရန်...

မောင်

ပါးလုံးပို့စ်အသစ်တင်ချင်တာအရမ်းပဲ သူများတွေတင်ထားတာမြင်တော့လေ။ ရေးစရာလေးတွေရှိပေမယ့်။ တနေ့က တင်မယ်ဆိုပြီး စထိုင်ရေးတဲ့အချိန်ကျပြန်တော့လည်း ပါးလုံးအမနဲ့ အဖေကဘေးနားမှာပွားနေတာနဲ့ အာရုံတွေတို့လို့တန်းလန်းနဲ့ ဆက်ရေးမရတော့လို့ အဲ့တပုဒ်ကိုလည်း တပ်ခေါက်လိုက်ရတယ်။

ဒီနေ့တော့ မဖြစ်ဖြစ်အောင်ရေးမယ်ဆိုပြီးတော့ ခေါင်းစဉ်လေးကို ရွေးလိုက်တယ်။ ခေါင်းစဉ်မြင်တော့ အကိုတွေအမတွေ သူငယ်ချင်းတွေကတော့ ထင်မယ်။ တယ်ဆိုတဲ့ပါးလုံးပါလားလို့လေ။ ဖြစ်ပုံကဒီလိုဗျ။


ပါးလုံးတို့က ငယ်ငယ်ကတည်းက အိမ်မလည်ရဘူး။ အဒေါ်အပျိုကြီးတွေနဲ့နေတော့လေ။ ဘယ်မှကိုမသွားတာ။ သူငယ်ချင်းတွေဆော့ချင်ရင် အိမ်မှာလာဆော့တယ်။ အိမ်မှာလည်း ကစားစရာတွေလည်း ၀ယ်ပေးထားတယ်။ သူတို့ပါဝင်ဆော့တယ်။ ချပ်ထိုးတာတို့၊ အင်္ဂလိပ်စာကားလုံးဆက်တာတို့၊ ကြယ်ကွက်ဆော့တာတို့ အဲ့ဒါမျိုးတွေပေါ့ဗျာ။


အဲ့နေ့က ဦးနော်နော်က သင်္ဘောထွက်တာကနေပြန်လာတယ်လေ။ဦးနော်နော်ဆိုတာကတော့ ပါးလုံးရဲ့ဦးလေးပေါ့။ ကချင်လိုဆိုရင်တော့ ဒုတိယသားကို နော်နော်လို့ခေါ်တယ်။ ပါးလုံးနဲ့မဆော့တာကြာလို့ဆိုပြီးတော့ ကျောင်းလည်းပိတ်တယ်ဆိုတော့ သူနဲ့ချပ်ထိုးတာ အစကတော့ ဧည့်ခန်းမှာထိုးတာဗျ နောက်တော့ ဧည့်သည်လာတာနဲ့ သူ့အခန်းထဲမှာ ဆက်ဆော့ကြတာ။


ပြောရင်းတောင်သတိယသွားပြီး ကြွားလိုက်ဦးမယ်။ ပါးလုံးဦးလေးကပြောတယ်။ ရွှေတောင်ကြားမှာ သူကချပ်ထိုးရင်ဘုရင်တဲ့။ အဲ့တော့ ပါးလုံးကို သရေအနိုင်ပေးမယ်တဲ့။ အဲ့နေ့က သုံးပွဲဆော့တာ တပွဲသရေ တပွဲကပါးလုံးနိုင် တပွဲက ဦးနော်နော် နိုင်ပေါ့။ အဲ့တော့ သရေ အနိုင်ဆိုတော့ပါးလုံး ကနှစ်ပွဲအနိုင်ဖြစ်သွားတာပေါ့ဗျာ။ မနက်ကိုးနာရီကဆော့တာ ညနေငါးနာရီခွဲသွားတယ်။

နှစ်ယောက်လုံး မစားမသောက်ပဲကိုထိုးတာ။ အဲ့လိုနိုင်တယ်ဆိုတော့ အားလုံးအထင်ကြီးသွားပြီဟုတ်။
တမိနစ်အထင်ကြီးလည်း မနည်းဘူးဗျအဟိ အမှန်က ပါးလုံးကတယောက်တည်း ဆော့တာမဟုတ်ဘူး ပါးလုံးသူငယ်ချင်း ဘွာဆယ်တေးပါတယ်ဗျ။

အခုဏက ပြောသလို မနက်ကိုးနာရီကနေ ညနေငါးနာရီထိုးသွားတယ်ဆိုတာကလည်း တခြားကြောင့်တော့မဟုတ်ဘူး။ သူကကွင်းချက်ဆိုလည်း ပါးလုံးက ဟာဦးနော်ဘွာဆယ်တေး။ သူက မြင်းကိုဆွဲတော့မယ်ဆိုလည်း ဟာဦးနော်ဘွာဆယ်တေး အဲ့ဒါနဲ့ပဲ မိုးချုပ်သွားတာဗျ.။ ပွားနေတာနဲ့ပြောမယ့်ဟာတောင် ဘယ်ရောက်သွားပြီလည်းမသိဘူး။


အဲ့နေ့က ကစားပြီးတော့ ဥိးနော်ကပြောတယ်။ ပါးလုံးနိုင်သွားပြီဆိုတော့တဲ့ အခန်းရှင်းပေးတဲ့။ အဲ့ဒါနဲ့ အခန်းရှင်းရင်းနဲ့ ဦးနော်ရဲ့ အခန်းထဲမှာ စာအုပ်လေးတအုပ်ကိုတွေ့တယ်။ အဲ့ဒိုင်ယာရီကို မသိပဲခဏလှန်မိတယ်။ အဲ့ထဲကတမျက်နှာလောက်တော့ ဖတ်မိတယ်ပေါ့ဗျာ။ စပ်စုရတာဝါသနာမပါလို့ ပြန်ချခဲ့လိုက်တယ်။ မေ့မေ့ပျောက်ပျောက်ပေါ့။


နောက်၂ပတ်လောက်နေတော့ ပါးလုံးအဒေါ်ကပါးလုံးကို မျက်စိဒေါက်ထောက်ပြီးတော့ကို ကြည့်နေတာ။ အိမ်မှာဆိုပါးလုံးကို ယောက်ျားလေးကိစ္စပဲဖြစ်ဖြစ် ငွေရေးကြေးရေးပဲဖြစ်ဖြစ် အရမ်းယုံတယ်။ဘာမီတွန်နဲ့ ထန်းလျှက်နဲ့ တွဲစားရင်သေတယ်ပြောလို့ စမ်းကြည့်တာမျိုး( မသေပါဘူးဗျာ)အဲ့လိုဟိုဟာစမ်းသပ် ဒီဟာစမ်းသပ်တာကလွဲရင်ပေါ့။ အကုန်ကိုယုံတာ။

ယုံဆိုပါးလုံးက အိမ်လည်းမလည်ဘူး ဘယ်သွားမယ်ဆိုလည်း ပြောသွားတယ်။ ဘယ်အချိန်ပြန်ရောက်မယ်ဆိုလည်း အတိအကျ ပြောတဲ့အချိန်ပြန်လာတယ်။ ပိုက်ဆံကိစ္စဆိုလည်း တကျပ်မှ အပြောမခံဘူး တခုခုဝယ်ခိုင်းရင်လည်း ပြန်ပေးရင် ပါးစပ်ကပဲမပေးဘူး စာရွက်နဲ့ဘယ်လောက်ယူတယ် ဘယ်လောက်သုံးတယ် အတိအကျ အဲ့လိုဆိုတော့ ယုံတယ်ဗျ။


အဲ့လိုအရမ်းယုံကြည်ရာကနေ အဲ့တုန်းက သူငယ်ချင်းတွေလာရင်လည်း ခဏတဖြုတ်အိမ်ရှေ့မှာစာအုပ်ပေးယုံလောက်ဆိုရင်လည်း သူကအိမ်ထဲခေါ်လေ အိမ်ရှေ့မှာဘာလုပ်နေတာလည်း။ အဲ့ဒါမျိုး နောက်တော့ ကျူရှင်သွားရင်လည်း ဘယ်အချိန်ပြန်လာမှာလည်း သူလည်းသိနေကျကို ပြီးတော့ ပါးလုံးက ကိုယ့်ကုတင်နဲ့ကိုယ် ကုတင်ဘေးမှာ စာအုပ်စာပွဲ ဟိုဘက်တခြမ်းက ပါးလုံးရဲ့ညီမလေးရဲ့ ကုတင်နဲ့ စာပွဲ သူကအဲ့တလောက ပါးလုံးညီမရဲ့ကုတင်မှာ လာလာပြီးစာအုပ်ဖတ်တာ ပြီးတော့ ကွက်ကြည့်ကွက်ကြည့်နဲ့ဗျာ။


တသက်လုံးအယုံအကြည်ခံခဲ့ရတော့ အဲ့အချိန်ကချစ်ကောင်းသီချင်းလိုပဲ ” မင်းရဲ့အကြည့်တွေဟာ ကိုယ့်အတွက် ခိုးလို့ခိုးလုဖြစ်နေတယ်။” ဆိုသလိုပေါ့။ တော်တော်ခံရခက်တယ်ဗျ။ နောက်တော့ မေးလွန်းလို့ ကျူရှင်ချိန်တွေကို သူ့ခေါင်းရင်းမှာ ကပ်ထားပေးလိုက်တယ်။ အဲ့လိုနဲ့ မသင်္ကာမှုတွေကြားထဲမှာ တပတ်ကျော်လောက်ကြာသွားတယ်။


တနေ့ကျတော့ ပါးလုံး စာရွက်တွေထည့်တဲ့ဖိုင်ထဲမှာ ဒိုင်ယာရီစာအုပ်တအုပ် ကြည့်လိုက်တော့ ဟိုတနေ့က ဦးနော်နော်အခန်းထဲမှာတွေ့ခဲ့တဲ့ ဦးနော်နော်ရဲ့ စာအုပ်။ လက်စသတ်တော့ ဒင်းကြောင့်ကိုး။အဲ့စာအုပ်ကို ကိုင်ကတည်းက ပါးလုံးအဒေါ်ကလည်း ပါးလုံးဘာလုပ်မလည်းဆိုပြီး စောင့်ကြည့်နေတယ်။ အဲ့တော့မှပဲ ပါးလုံးကို ဒီလိုဆက်ဆံနေတာ ဒါ့ကြောင့်ကိုးဆိုပြီးပြုံးမိတော့တယ်။
ဦးနော်နော်ကိုလည်း အံ့သြမိတယ်။ သူသူ့ကောင်မလေးကိုတော်တော်လွမ်းနေပုံရတယ်။ ဒိုင်ယာရီစာအုပ် တလနည်းနည်းပျောက်နေတာ မသိရှာဘူး။ အဲ့တော့ ဒီပြဿနာကို ဘယ်လိုပြောရင်ကောင်းမလည်းစဉ်းစားလိုက်တယ်။ သူကမှတိုက်ရိုက်မပြောတာ အဲ့တော့ပါးလုံးလည်းတိုက်ရိုက်ပြောလို့မဖြစ်တော့ဘူးဆိုပြီးတော့လေ။


အဲ့ဒါနဲ့ မသိချင်ယောင်ဆောင်ပြီးတော့ တီတီရေ ဘယ့်နှယ့်ဦးနော်နော်စာအုပ်က ပါးလုံးထဲကို ရောက်နေတာလည်းဆိုတော့ သူကပါးလုံးစာအုပ်မဟုတ်ဘူးလား ပါးလုံးစာအုပ်မှတ်လို့ ထည့်ပေးထားတာတဲ့။ ဟာဗျာ မဟုတ်ပါဘူးဆိုတော့မှ သူလည်းစိတ်အေးသွားတဲ့အကြောင်း။ သူကကျန်တဲ့အဒေါ်တွေမရှိခင်မှာ သူနဲ့တခုခုဖြစ်သွားမှာကိုစိုးရိမ်တဲ့အကြောင်း သူလည်း စားမ၀င်အိပ်မပျော်တဲ့အကြောင်း ပြောတယ်ဗျာ။


သူစိုးရိမ်မယ်ဆိုလည်းစိုးရိမ်စရာဗျာ။ ဦးနော်ကောင်မလေးနာမည်ကိုတော့မသိဘူးဗျာ။ ဒါပေမယ့် တယောက်ကိုတယောက် အတိုကောက်ခေါ်ထားကြတာက မြတ်နဲ့ မောင်တဲ့လေ။ အဲ့တော့မှတော့စိုးရိမ်ပြီပေါ့။ ပါးလုံးရဲ့ ကျောင်းနာမည်က မြတ်ဆုမွန်လေဗျာ။ စဉ်းစားကြည့်မယ်ဆိုရင်တော့ ဘယ်သူမှမမှားပါဘူး။ ငယ်ငယ်က အိုးစွတ်ခွက်စွတ် ဟင်းခိုးစားတဲ့အပြစ်ပဲ ထင်ပါရဲ့။ ဒါပေမယ့်လည်း ခိုးစားရင်လည်း ဒီအတိုင်းစားတာမဟုတ်ပါဘူးဗျာ။ “အိုးစွတ်ခွက်စွတ်ငါ့ကိုလာမစွတ်နဲ့ နင့်အိုးနင်ပြန်စွတ်” ဆိုပြီး သုံးခါပြောပြီးမှ ခိုးစားတာပါ။


အဲ့တုန်းက စဉ်းစားလိုက်တယ်။ ဟွန့် တကယ်ရည်းစားထားလို့ကတော့ မောင်လို့မခေါ်တော့ဘူးလို့လေ။ အဲ့ဒီမောင်နဲ့မြတ်ဒုက္ခပေးလိုက်တာ။ ပါးလုံးတို့ အိပ်ကောင်းချင်းမအိပ်ရ (အိမ်ရှေ့က စက်တီခုံပေါ်မှာလည်းအိပ်ပျော်တယ်) စားကောင်းချင်းမစားရ( ဌက်ပျောသီးအစိမ်းတောင်တူနဲ့ထုစားတယ်) အဲ့ဒါမျိုး အထင်လွဲမှုလေးတွေ သူငယ်ချင်းတို့လည်းခံစားဖူးမလားတော့မသိဘူး။

ပါးလုံးကတော့ အဲ့ဒီမောင်ဆိုတာကြီးကို ဒီနေ့ထိ မေ့မရပါဘူးဗျာ။ သြော် မောင် မောင်။ တလလောက် ဒုက္ခပေးလိုက်တဲ့မောင်။ သူတို့ချစ်သူနှစ်ဦး ကြည်ကြည်နူးနူး ခေါ်ခဲ့ကြပေမယ့် ပါးလုံးမှာတော့ ………………………………..။

အားလုံး အားလုံးအပေါ် ဘုရားသခင်ကောင်းချီးပေးပါစေ
ခင်မင်လေးစားလျှက်
ညီမလေး ပါးလုံး

ဆက်ဖတ်ရန်...

ပြန်သိမ်းပေးရန်...